ეს კანონი ზღუდავს ქვეყნის დემოკრატიულ სივრცეს - ასე ეხმაურება ევროკომისიის სპიკერი, ანიტა ჰიპერი გრანტების კანონში გამკაცრებული ცვლილებების დამტკიცებას, რომლის მიხედვითაც  „ხელისუფლების სისტემურად არაღიარება“ სისხლის სამართლის წესით დასჯადი ხდება. 

ჩვენ ძალიან მკაფიოდ ვთქვით, რომ ეს კანონი ზღუდავს ქვეყნის დემოკრატიულ სივრცეს, აძლიერებს ფართომასშტაბიან კონტროლს ქვეყნის შიგნით პოლიტიკურ საქმიანობაზე და ასევე მისი ბუნდოვანი ჩანაწერები ქმნის სერიოზულ სამართლებრივ გაურკვევლობას და რისკს, რომ მას თვითნებურად და შერჩევითად აღასრულებენ. ასევე მინდა ვთქვა მზია ამაღლობელის შესახებ. ჩვენ მკაცრად გავაპროტესტეთ მისი პატიმრობა. მისი გასამართლება ასევე ცხადყოფს, რომ თავისუფალ ხმაზე რეპრესიები გრძელდება.ჟურნალისტებმა უნდა შეძლონ თავიანთი საქმიანობის განხორციელება დევნის ან შეზღუდვის შიშის გარეშე. ხელისუფლების ქმედებები, რომლებიც მიმართულია დამოუკიდებელი მედიის გაჩუმებაზე, ასევე ძირს უთხრის დემოკრატიას, ეწინააღმდეგება საქართველოს საერთაშორისო ვალდებულებებს და მოქმედებს საქართველოს მოსახლეობის ევროპული მისწრაფებების საწინააღმდეგოდ.
ამიტომ ჩვენ მოვითხოვთ მის გათავისუფლებას, ისევე როგორც ყველა იმ პირის გათავისუფლებას, ვინც უსამართლოდ არის დაკავებული. ჩვენ განვაგრძობთ ქართველი ხალხისა და მათი ევროპული მისწრაფებების მხარდაჭერას. ამასობაში ჩვენ ვხედავთ, რომ საქართველოს ხელისუფლების ქმედებებს შესაბამისი შედეგები მოჰყვება

ევროსკოპის ინფორმაციით, ასევე უნდა ველოდოთ კაოა კალასისა და მარტა კოსის ერთობლივ განცხადებას რეპრესიულ კანონებში შეტანილ რეპრესიულ ცვლილებებზე…

ავტორი: ექსპრესნიუსი,

სოციალური ქსელები

ბარნის“ ორცხობილა შეჭამა, ამის გამო ქმარმა ცემაში მოკლა - 19 წლის დედის გარდაცვალებამ ყაზახეთი შეძრა

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა