2026-02-21 19:25:01, 1033 ნახვა
პოლიტიკა
ვოლოდიმირ ზელენსკი მარკ რუტეს ესაუბრა
უკრაინის პრეზიდენტი, ვოლოდიმირ ზელენსკი ნატო-ს გენერალურ მდივანს, მარკ რუტეს ესაუბრა.
ზელენსკის ცნობით, ნატო-ს გენერალურ მდივანს დიპლომატიური მუშაობის ძირითად ასპექტებზე ესაუბრა.
„მიხარია, რომ ბევრი მიმართულებით ჩვენი მოსაზრებები ემთხვევა. ინფორმაცია გავუზიარე სამმხრივ ფორმატში აშშ-სთან და რუსეთთან მოლაპარაკებების მორიგი რაუნდის მზადების, ასევე, მხარეების პოზიციების შესაძლო ცვლილების შესახებ“, - წერს ზელენსკი X-ზე.
ასევე, სატელეფონო საუბრისას ზელენსკიმ და რუტემ უკრაინაში არსებული ენერგეტიკული ვითარება და ნატო-ს PURL ინიციატივის ფარგლებში მუშაობის გაგრძელების საკითხი განიხილეს.
ავტორი: ექსპრესნიუსი,
epn.ge (@expressnews.ge)
