"იყო მუქარა ჩემი ოჯახის მიმართ და სიფრთხილის გამო აღარ გავაგრძელე საუბარი ამ თემაზე. მითხრეს, რომ არავისთან არ მქონოდა კონსულტაციები ამ თემაზე" - ამის შესახებ სრულიად საქართველოს მუსლიმთა სამმართველოს ყოფილმა შეიხმა, ვაგიფ აქპეროვმა გადაცემა "არჩევანში" განაცხადა. 

მისი თქმით, ერთი წლის წინ იყო მუქარა მისი ოჯახის მიმართ და სიფრთხილის გამო მან აღარ გააგრძელა პირადი ცხოვრების ამსახველ კადრებზე საუბარი ერთი წლის წინ.

"ერთი წლის წინ მე პირადი ცხოვრების ამსახველ კადრებზე არაფერი არ მითქვამს იმიტომ, რომ ვფიქრობდი, მე სასულიერო პირი ვარ და ყველაფრის წამალი და იარაღი არის მოთმინება. მე მოვითმინე, ვნახე რა მდგომარეობაა საქართველოში. იყო მუქარა ჩემი ოჯახის მიმართ და სიფრთხილის გამო აღარ გავაგრძელე საუბარი ამ თემაზე. მითხრეს, რომ არავისთან არ მქონოდა კონსულტაციები ამ თემაზე," - განაცხადა აქპეროვმა.

მისივე თქმით, დღეს მისი განცხადების მერე სრულიად საქართველოს მუსლიმთა სამართველომ გააკეთა განცხადება, სადაც წერია, რომ ის იყო ძალოვან სტრუქტურებში. მისივე თქმით, მას უკვე მათ მუსლიმობაშიც ეპარება ეჭვი, რადგან, როგორც ამბობს,  "არცერთი მუსლიმი არ დაწერდა იმას, რაც გამოქვეყნდა, რომ 40 წლის წინ მე თითქოს კრიმინალური წარსული მქონდა და შეხება მქონდა".

"ამაზე მე მათ ბოდიშს მოვახდევინებ, რადგან მე არანაირი კრიმინალური წარსული არ მაქვს," - აღნიშნა აქპეროვმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები