ფიგურულ ციგურაობაში საქართველოს ოლიმპიურმა ნაკრებმა ისტორიაში პირველად გუნდურის ფინალში ასპარეზობის უფლება მოიპოვა

ფიგურულ ციგურაობაში მილანი/კორტინას ზამთრის ოლიმპიური თამაშების მეორე საშეჯიბრო დღეს ვაჟთა მოკლე პროგრამა იყო იმის განმსაზღვრელი, თუ ვინ მოიპოვებდა გუნდურის ფინალში გამოსვლის უფლებას. ამ მხრივ, ნიკა ეგაძის გამოსვლას განსაკუთრებული დატვირთვა ჰქონდა.

სწორედ მის ასპარეზობაზე იყო დამოკიდებული ვიხილავდით თუ არა საქართველოს ნაკრებს ფინალურ და შესაბამისად საუკეთესო ხუთეულში.

ერთი დღით ადრე სპორტულ ცეკვებში, სპორტულ წყვილებში და ქალთა ერთეულებში გამომუშავებული 20 ქულით საქართველოს ნაკრები აშშ-ის, იაპონიის და იტალიის შემდეგ მეოთხე ადგილზე იყო. ასე რომ, აუცილებელი იყო ხუთეულში ადგილის შენარჩუნება.

ნიკა ეგაძეს - ევროპის მოქმედ ჩემპიონს სტარტზე მცირე ხარვეზები ჰქონდა, მაგრამ მიუხედავად ამისა, საქართველოს ნაკრებს ისტორიაში პირველად გუნდურის ფინალში ასპარეზობის უფლება მაინც მოუპოვა.

ნიკა ეგაძემ მსაჯებისგან 84.37 ქულა დაიმსახურა, უძლიერეს ათეულში მეექვსე ადგილზე გავიდა და 5 ქულა გამოიმუშავა.

შედეგად, საქართველოს გუნდმა მოკლე პროგრამაში 25 ქულა დააგროვა და შესაბამისი მაჩვენებლით აშშ-ის, იაპონიის, იტალიის და კანადის შემდეგ გუნდური მეხუთე ადგილი დაიკავა.

მეხუთე ადგილი კი ფინალში ასპარეზობის საგზურის მომტანი იყო. საქართველოს ნაკრები გუნდურში ასპარეზობას აგრძელებს.

ცოტა ხანში თავისუფალი პროგრამით წარდგება დიანა დევისის და გლებ სმოლკინის წყვილი.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს