საქართველოში სამდღიანი სამუშაო ვიზიტით გერმანიის ფედერაციული რესპუბლიკის ქვეითთა მომზადების ცენტრის  დელეგაცია იმყოფება. 

თავდაცვის სამინისტროს ინფორმაციით, დღეს, საქართველოს შეიარაღებული ძალების გენერალური შტაბის უფროსმა, გენერალ-მაიორმა  ვახტანგ  კაპანაძემ გერმანიის დელეგაციას უმასპინძლა, რომელსაც გენერალი იოჰანეს ჰაგემანი ხელმძღვანელობს.  

შეხვედრის დასაწყისში ქართულმა მხარემ გერმანელ გენერალს  საქართველოს სერჟანტთა მომზადების ცენტრისთვის გაწეული დახმარებისთვის მადლობა გადაუხადა. მხარეებმა  ორ ქვეყანას შორის თავდაცვის სფეროში თანამშრომლობის საკითხები განიხილეს და ყურადღება  ურთიერთობის გაღრმავების მნიშვნელობაზე გაამახვილეს.  გერმანელ სტუმრებთან საუბრის ერთ-ერთი თემა ავღანეთში „მტკიცე მხარდაჭერის“  მისიაში ქართველი სამხედრო მოსამსახურეების მონაწილეობა იყო.

შეხვედრის დასრულების შემდეგ, გერმანიის ქვეითთა მომზადების ცენტრის მეთაურმა, გენერალმა იოჰანეს ჰაგემანმა საქართველოში ვიზიტი შეაჯამა.

„მოხარული ვარ საქართველოში სტუმრობით. საქმიანი ვიზიტის ფარგლებში საქართველოს კულტურასაც გავეცანი.  მინდა მოგილოცოთ ის პროგრესი, რასაც საქართველოს შეიარაღებულმა ძალებმა მიაღწია. ვიზიტის ფარგლებში კოჯორში ვიმყოფებოდი, სადაც სერჟანტთა მომზადების ცენტრი მოვინახულე და მიმდინარე სწავლებებს დავესწარი. ასევე, გავეცანი გორში ეროვნული თავდაცვის აკადემიისა და საჩხერის სამთო მომზადების სკოლის შესაძლებლობებს. ჩემზე დიდი შთაბეჭდილება მოახდინა თქვენმა სასწავლო დაწესებულებებმა. მოხარული ვარ, რომ საქართველოსა და გერმანიის შეიარაღებულ ძალები ერთამენთთან მჭიდროდ თანამშრომლობენ. ეს ურთიერთობა არა მხოლოდ ავღანეთში მოქმედებათა თეატრში ერთმანეთის მხარდამხარ ბრძოლით გამოიხატება, არამედ მშვიდობიანობის დროს წვრთნებსა და სწავლებებშიც. ვიმედოვნებ, ჩვენს უწყებებს, ჩვენ შეიარაღებულ ძალებს შორის ურთიერთობა კიდევ უფრო გაღრმავდება“, - განაცხადა გენერალმა იოჰანეს ჰაგემანმა.

გარდა ამისა, ვიზიტის ფარგლებში, გერმანიის ქვეითთა მომზადების ცენტრის წარმომადგენლებმა უკვე შეხვდნენ საქართველოს თავდაცვის მინისტრის მოადგილეს, ლევან ღირსიაშვილს და  გენერალური შტაბის უფროსის  პირველ მოადგილეს, ბრიგადის გენერალ ვლადიმერ ჩაჩიბაიას. გერმანელი სტუმრები  ეროვნულ თავდაცვის აკადემიასა და საჩხერის სამთო მომზადების სკოლასაც ეწვივნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინული დრონების დაბომბვის და ნავთობის წვიმის შემდეგ, რიაზანში საგანგებო მდგომარეობა გამოცხადდა.

დრონებმა რუსეთის ნავთობგადამამუშავებელი ქარხნის სიმძლავრის 11% პარალიზება მოახდინეს

საგარეო: ანდრეი სიბიგასთან შეხვედრაზე ხაზი გაესვა უკრაინის მხრიდან გადადგმულ ნაბიჯებს

პუტინის რეიტინგის გაანგარიშების მეთოდოლოგია შეიცვალა 8 წლის განმავლობაში ყველაზე მკვეთრი ვარდნის შემდეგ