სომხეთის პრემიერმა ნიკოლ ფაშინიანმა განაცხადა, რომ სომხეთსა და აზერბაიჯანს შორის საქართველოს ტერიტორიის გავლით ტვირთების გადაზიდვასთან დაკავშირებით გარკვეული პრობლემებია, რომლებიც ტარიფებთან არის დაკავებული და იმედი გამოთქვა, რომ ისინი მოგვარდება.

"თუ ეს საკითხი არ მოგვარდება, იმედი მაქვს, რომ სუბიექტები დაიწყებენ იმპორტისა და ექსპორტის უზრუნველსაყოფად ალტერნატიული გზების ძიებას, თუკი ეს გარიგებები მათთვის ინტერესს შეინარჩუნებს", - განაცხადა ნიკოლ ფაშინიანმა.

აზერბაიჯანული მედიის ცნობით, დღეს, 18 დეკემბერს, აზერბაიჯანის სახელმწიფო ნავთობკომპანიამ სომხეთს, საქართველოს გავლით, 22 ცისტერნით 1220 ტონა ბენზინი მიაწოდა.

10 დეკემბერს აზერბაიჯანულმა მედიამ დაწერა, რომ "თბილისის სატარიფო დემარშზე პასუხად, ბაქო სომხეთის საზღვრამდე სარკინიგზო ხაზის აღდგენას განიხილავს".

მანამდე, მედია წერდა, რომ საქართველომ აზერბაიჯანული საწვავის სომხეთში ტრანზიტისთვის არარეალურად მაღალი ტარიფი მოითხოვა. 

ამ ინფორმაციის პასუხად, ქართული ოცნების პრემიერმა ირაკლი კობახიძემ გადაწყვიტა, რომ აზერბაიჯანული საწვავის სომხეთში სარკინიგზო გადაზიდვა ერთჯერადად სრულიად უსასყიდლოდ განხორციელდება.

Minval Politika აღნიშნავს, რომ მისმა მანამდე გამოქვეყნებულმა პუბლიკაციამ ქართული ოცნების ხელისუფლება აიძულა, მისთვისვე პოლიტიკური თვალსაზრისით მომგებიანი რეაგირება მოეხდინა, საუბარია ირაკლი კობახიძის გადაწყვეტილებაზე.

Minval Politika-ს ინფორმაციით, აზერბაიჯანმა უკვე დაიწყო საკუთარი შესაძლებლობების შეფასება ალტერნატიული ლოგისტიკური ღერძის ფორმირების მიმართულებით.

ამასთან, Minval Politika-ს ინფორმაციით, განიხილება სრული საავტომობილო მარშრუტების ვარიანტიც.

ავტორი: ექსპრესნიუსი,

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“