„ქართული ოცნების“ ხელისუფლებამ ევროპელ პარტნიორებს წლის დასაწყისშივე მიაწოდა არასწორი ინფორმაცია დემონსტრანტების წინააღმდეგ გამოყენებული საშუალებების შესახებ - ეს ირკვევა ადამიანის უფლებების საკითხებში ევროპის საბჭოს კომისრის, მაიკლ ო’ფლაერტის წერილიდან, რომელიც მან გენერალურ პროკურორ გიორგი გვარაკიძეს გაუგზავნა.

წერილში ო’ფლაერტი აღწერს, რომ 2025 წლის იანვარში საქართველოში ვიზიტის დროს შინაგან საქმეთა მინისტრის მოადგილემ იგი დაარწმუნა, თითქოს დემონსტრანტების წინააღმდეგ გამოყენებულ წყლის ჭავლში ქიმიური გამაღიზიანებლები არ იყო შერეული. 

BBC-ის საგამოძიებო ფილმის გამოქვეყნების შემდეგ „ქართული ოცნების“ წარმომადგენლებმა საჯაროდ აღიარეს, რომ წყლის ჭავლში ქიმიური ნივთიერებები მართლაც იყო გარეული, თუმცა ხელისუფლება არ აკონკრეტებს, კონკრეტულად რა საშუალებები გამოიყენეს 28 ნოემბრიდან 4 დეკემბრის ჩათვლით.

კომისრის წერილში ხაზგასმულია, რომ ქიმიური ნივთიერებების გამოყენება თავდაპირველად უარყოფილი იყო, მოგვიანებით კი ეს ფაქტი თავად ხელისუფლების უმაღლესი თანამდებობის პირების მიერ დადასტურდა. ო’ფლაერტის თქმით, ქიმიური ნივთიერებების არსებობა აღიარეს პრემიერ-მინისტრმა, შინაგან საქმეთა მინისტრმა და სახელმწიფო უსაფრთხოების სამსახურის ხელმძღვანელის მოადგილემ, თუმცა ისინი ამტკიცებდნენ, რომ ეს ნივთიერებები არატოქსიკური იყო, მიუხედავად ჯანმრთელობაზე შესაძლო ხანგრძლივი ზემოქმედებისა.

"2025 წლის იანვარში საქართველოში ვიზიტის დროს შინაგან საქმეთა მინისტრის მოადგილემ დამარწმუნა, რომ დემონსტრანტების წინააღმდეგ ქიმიური გამაღიზიანებლების შემცველი წყლის ჭავლი გამოყენებული არ იყო. მას შემდეგ რამდენიმე მაღალჩინოსანმა, პრემიერ-მინისტრის, შინაგან საქმეთა მინისტრისა და სახელმწიფო უსაფრთხოების სამსახურის ხელმძღვანელის მოადგილის ჩათვლით, აღიარა, რომ ქიმიური ნივთიერებები წყალში გარეული იყო, თუმცა არატოქსიკური, ჯანმრთელობაზე შესაძლო ხანგრძლივი ზემოქმედებით, რაც ცოტა ხნის წინ მედია-სიუჟეტშიც იყო ნახსენები", - წერს მაიკლ ო’ფლაერტი.

ავტორი: ექსპრესნიუსი,

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“