სირიის არმიამ პალმირაზე კონტროლი აღადგინა, - ამის შესახებ ინფორმაციას ადგილობრივი მედია ავრცელებს.

როგორც მედია საშუალება იტყობინება, სამთავრობო ძალებმა რუსული ავიაციის დახმარებით, პალმირას ისტორიული ციხესიმაგრე აიღეს და მთლიანად აკონტროლებენ სამარხების ველს, სადაც 2015 წლის შემოდგომაზე ისლამისტებმა უძველესი კოშკები გაანადგურეს.

ბრძოლა პალმირას რეგიონში უკვე მე-3 დღეა გრძელდება.

გუშინ სირიის არმიამ „ისლამურ სახელმწიფოს“ ბოლო სტრატეგიული ადგილი წაართვა.

მედია საშუალების ინფორმაციით, ასადის არმიამ, „ისლამური სახელმწიფოს“ დროშა, რომელიც სტრატეგიულ ადგილზე იყო აღმართული ხელში ჩაიგდო და დაწვა, თმცა სირიის დროშის აღმართვა ამ დრომდე არ განხორციელებულა, ტერორისტების მხრიდან დაცხრილვის გამო.

შეგახსენებთ, რომ ასადის არმიამ „ისლამური სახელმწიფოს“ ათობით მებრძოლი მოკლა. დაჯგუფების ერთ-ერთი ლიდერის ლიკვიდაციაზე განცხადება პენტაგონშიც გაკეთდა.

უწყების ხელმძღვანელის ინფრომაციით, სირიაში ჩატარებული ოპერაციის დროს აბდულ რაჰმან მუსტაფა ალ-კადული, მეტსახელად ჰაჯი იმანი, მოკლეს, რომელიც „ისლამური სახელმწიფოს“ ე.წ. ფინანსთა მინისტრი და ერთ-ერთი ლიდერი იყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე ზენონი: ეკლესიის პასუხისმგებლობაა, შეახსენოს ყველას, ძალაუფლება არ დგას კანონზე მაღლა

„ისინი არასტაბილურ მდგომარეობაში არიან.“ ესტონეთმა რუსეთთან მოლაპარაკებების შეწყვეტისკენ მოუწოდა

უკრაინაში რუსეთის დანაშაულებზე სპეციალური ტრიბუნალი ჰააგაში განთავსდება

ივანიშვილის რეჟიმმა, 8 თვის ორსული უკრაინელი ჟურნალისტი საქართველოში არ შემოუშვა