რუსეთის პრეზიდენტის ადმინისტრაციის ხელმძღვანელი სერგეი ივანოვი არ გამორიცხავს შესაძლებლობას, რომ უკრაინელი მფრინავი ნადეჟდა სავჩენკო, რომელსაც 22 წელი აქვს მისჯილი, რუსეთის ორ მოქალაქეზე გაიცვალოს, რომლებსაც უკრაინაში ტერორიზმის ბრალდებით ასამართლებენ, - ამის შესახებ ინფორმაციას BBC ავრცელებს.

ჟურნალისტების კითხვაზე ივანოვმა განაცხადა, რომ თეორიულად ასეთი შესაძლებლობა არსებობს, თუმცა ორი პირობის შესრულების შემთხვევაში. პირველი პირობის თანახმად, დაცული რუსეთის კანონმდებლობა მთლიანად უნდა იყოს და მეორე - გაცვლის შესახებ გადაწყვეტილება პრეზიდენტმა უნდა მიიღოს.

ამასთანავე, ივანოვმა სავჩენკოს გაცვლა მინსკის შეთანხმებების ფარგლებში გამორიცხა, რომელიც კონფლიქტის მხარეებს შორის ყველა სამხედრო ტყვის გაცვლას გულისხმობს. ივანოვის თქმით, რუსეთი კონფლიქტის მხარეებში არ შედის.

გაცვლის შესახებ განცხადება უკრაინის პრეზიდენტმაც გააკეთა და მისი თქმით, გაცვლა მხოლოდ მას შემდეგ გახდება შესაძლებელი, როდესაც ყველა მისი შესაძლო მონაწილის მიმართ გამამტყუნებელი განაჩენები იქნება გამოტანილი.

შეგახსენებთ, რომ 22 მარტს სასამართლომ ნადეჟდა სავჩენკოს 22 წელი მიუსაჯა. მას ბრალი 2 რუსი ჟურნალისტის მკველობაში ედებოდა. გარდა ამისა, პროკურატურის ინფორმაციით უკრაინელმა მფრინავმა რუსეთის საზღვარი უკანონოდ გადაკვეთა, რის შემდეგადაც ის დააკავეს.

სავჩენკო დანაშაულს არ აღიარებს. მისი თქმით, შეტაკებამდე 1 საათით ადრე ის მძევლად აიყვანეს და რუსეთში იძულებით გადაიყვანეს.

ცნობისთვის, განაჩენი ძალაში ჯერ არ შესულა, რადგან აპელაციისთის განკუთვნილი 10 დღიანი ვადა ჯერ არ ამოწურულა. თუმცა აღსანიშნავია, რომ არც პროკურატურა და არც ბრალდებული აპელაციის შეტანას არ აპირებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე ზენონი: ეკლესიის პასუხისმგებლობაა, შეახსენოს ყველას, ძალაუფლება არ დგას კანონზე მაღლა

„ისინი არასტაბილურ მდგომარეობაში არიან.“ ესტონეთმა რუსეთთან მოლაპარაკებების შეწყვეტისკენ მოუწოდა

უკრაინაში რუსეთის დანაშაულებზე სპეციალური ტრიბუნალი ჰააგაში განთავსდება

ივანიშვილის რეჟიმმა, 8 თვის ორსული უკრაინელი ჟურნალისტი საქართველოში არ შემოუშვა