პრესის საერთაშორისო ინსტიტუტი (IPI) BBC-ის მიერ გამოქვეყნებულ გამოძიებას ეხმაურება.

მათი თქმით, აქციების დასაშლელად გამოყენებულ წყლის ჭავლში ქიმიური ნივთიერების შერევა ბევრ შემთხვევაში ჰგავდა მედიაზე მიზანმიმართულ შეტევას. ისინი მოუწოდებენ საერთაშორისო საზოგადოებას ქართული ოცნების ლიდერებზე ზეწოლის გაძლიერებისკენ, რათა "გადავარჩინოთ ის, რაც დარჩა თავისუფალი მედიისგან ამ ქვეყანაში."

"პრესის საერთაშორისო ინსტიტუტი (IPI) შეშფოთებულია ჟურნალისტებზე ქიმიური ნივთიერების პოტენციური ზემოქმედების გამო, რომელიც, სავარაუდოდ, გამოიყენეს საქართველოს სამართალდამცავმა ორგანოებმა საპროტესტო აქციების დასაშლელად , რაც BBC-ის ბოლოდროინდელი გამოძიების შედეგად გამოვლინდა.

გამოძიებამ აჩვენა მტკიცებულებები, რომ პირველი მსოფლიო ომის დროინდელი ქიმიური ნივთიერება იყო გამოყენებული მთავრობის მიერ გასულ წელს ანტისამთავრობო დემონსტრანტების დასაშლელად, რაც, სავარაუდოდ, გავლენას მოახდენდა ჟურნალისტებზე, რომლებიც აქციებს აშუქებდნენ.

IPI- ის მედიის თავისუფლების მონიტორინგის პლატფორმის მონაცემების მიხედვით, 2024 წლის ნოემბერი-დეკემბრის პროტესტის დროს, სულ მცირე 81 ჟურნალისტი იყო თავდასხმის მსხვერპლი. უამრავს დაუმიზნეს წყლის ჭავლი, რომელშიც შერეული იყო ქიმიური ნივთიერებები, ბევრ შემთხვევაში ეს ჰგავდა მედიაზე მიზანმიმართულ შეტევას.

მტკიცებულებები ახლა აჩვენებს, რომ ჟურნალისტებს, სავარაუდოდ, ქიმიურ ნივთიერებასთან ჰქონდათ შეხება - თანამედროვე ცრემლსადენი გაზის წინამორბედთან.

ეს არის კიდევ ერთი მაგალითი იმისა, თუ როგორ გახდა ჟურნალისტიკა საქართველოში განსაკუთრებით სახიფათო პროფესია.

ჩვენ კიდევ ერთხელ მოგიწოდებთ საერთაშორისო ზეწოლის გაძლიერებისკენ "ქართული ოცნების" ლიდერებზე, რათა გადავარჩინოთ ის, რაც დარჩა თავისუფალი მედიისგან ამ ქვეყანაში." - წერს პრესის საერთაშორისო ინსტიტუტი X-ზე.

ცნობისთვის, გამოცემა BBC მოპოვებულ მტკიცებულებებზე დაყრდნობით წერს, რომ გასულ წელს ქართული ოცნების რეჟიმმა ანტისამთავრობო და პროევროპული საპროტესტო აქციების დასარბევად პირველი მსოფლიო ომის დროინდელი ქიმიური იარაღი გამოიყენა.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი