საქართველოს მოქალაქეები პოლონეთში სამუშაო ვიზებს გამარტივებული წესით ვეღარ მიიღებენ. ინფორმაციას პოლონეთის საელჩო ავრცელებს.

პოლონეთის ოჯახის, შრომისა და სოციალური პოლიტიკის მინისტრის ახალი ბრძანება განსაზღვრავს იმ ქვეყნების ჩამონათვალს, რომელთა მოქალაქეებსაც შეუძლიათ ისარგებლონ პოლონეთში დასაქმების გამარტივებული "უცხოელისთვის სამუშაოს მინდობის შესახებ განცხადების" მექანიზმით.

ამ ქვეყნების ჩამონათვალიდან საქართველო ამოიღეს. ჩამონათვალში შემდეგი ქვეყნები შედიან: სომხეთი, ბელარუსი, მოლდოვა და უკრაინა.

ბრძანების მიხედვით, საქართველოს მოქალაქეებს, რომლებიც აქამდე არსებული მექანიზმის მიხედვით პოლონეთში საქმიანობენ, მათთვის განსაზღვრული ვადის ამოწურვამდე მუშაობის გაგრძელება შეუძლიათ. ასევე, საქართველოს მოქალაქეების განცხადებები, რომლებიც ბრძანების გამოქვეყნებამდე იყო წარდგენილი, კვლავ აქამდე მოქმედი გამარტივებული წესით განიხილება.

მანამდე, პოლონელ დამსაქმებლებს საქართველოს, სომხეთის, უკრაინის, მოლდოვისა და ბელარუსის მოქალაქეების დასაქმება გამარტივებული პროცედურით შეეძლოთ, რომლითაც მუშაობის ჩვეული ნებართვის აღება საჭირო არ იყო. ამისთვის დამსაქმებელი შესაბამის უწყებებს დეკლარაციას გადასცემდა, რომ ამ ქვეყნების მოქალაქეს 24 თვემდე პერიოდის განმავლობაში კონკრეტული სამუშაოს შესრულებას ანდობდა.

ამასთან, ჩამოთვლილი ქვეყნების მოქალაქეებს ასევე 9 თვემდე პერიოდის განმავლობაში სეზონური სამუშაოს შესრულება შეეძლოთ. 

ცნობისთვის, პოლონეთში აგვისტოში წარდგენილ კანონპროექტში, რომელიც საქართველოს მოქალაქეებისთვის გამარტივებული წესით დასაქმების მექანიზმის გაუქმებას ითვალისწინებდა, ნათქვამი იყო, რომ ეს ცვლილება "სხვა მიზეზებთან ერთად, საქართველოში პოლიტიკური სიტუაციის, უვიზო მიმოსვლის შესაძლო შეზღუდვაზე მიმდინარე სამუშაოებისა და 2024 წელთან შედარებით გაცემული დეკლარაციებისა და სეზონური მუშაობის ნებართვების რაოდენობის კლების გამო" იყო წარდგენილი.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი