დონალდ ტრამპის სპეციალურმა წამომადგენელმა, სტივ უიტკოფმა, გასულ თვეში კრემლის მაღალჩინოსან იური უშაკოვს უთხრა, რომ უკრაინაში მშვიდობის მისაღწევად რუსეთს უნდა გადაეცეს დონეცკი და, შესაძლოა, მოეწყოს დამატებითი ტერიტორიული გაცვლა, - ამის შესახებ Bloomberg-ი მათი სატელეფონო საუბრის ჩანაწერზე დაყრდნობით წერს.

14 ოქტომბრის ხუთწუთიან ზარში უშაკოვი პუტინის უმაღლესი საგარეო პოლიტიკის მრჩევლის სტატუსით მონაწილეობდა.

„მე და შენ ვიცით, რა იქნება საჭირო მშვიდობის მისაღწევად: დონეცკი და, შესაძლოა, სადმე მიწის გაცვლა. მაგრამ მოდი, ასეთ ფრაზებს თავი ავარიდოთ და უფრო იმედიანად ვილაპარაკოთ, რადგან ვფიქრობ, შეთანხმებამდე მივალთ“,  – ამბობს უიტკოფი ჩანაწერის მიხედვით. 

საუბრის დროს ტრამპის წარმოამდგენელი ტაქტიკურ რჩევებსაც იძლეოდა - როგორ და როდის უნდა აეწია პუტინს „საერთო ჩარჩოს“ შემუშავების თემა ტრამპთან.

უშაკოვმა უიტკოფს ჰკითხა, იქნებოდა თუ არა "სასარგებლო" პუტინისთვის, ტრამპთან დაერეკა.

უიტკოფმა უპასუხა, რომ დიახ, და ასევე ურჩია პუტინს, მიელოცა ტრამპისთვის, ღაზას საკითხზე ცოტა ხნით ადრე მიღწეული სამშვიდობო შეთანხმება და ეთქვა, რომ რუსეთმა მხარი დაუჭირა ამას.

უშაკოვის თქმით, პუტინი ტრამპს მიულოცავდა და განაცხადებდა: „ბატონი ტრამპი ნამდვილი მშვიდობის კაცია“.

დონალდ ტრამპი Bloomberg-ის მიერ მოპოვებულ სატელეფონო ჩანაწერს გამოეხმაურა და განაცხადა, რომ "ეს მოლაპარაკებების ძალიან სტანდარტული ფორმაა".

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი