ტრამპის ადმინისტრაცია საიდუმლოდ კონსულტაციებს აწარმოებს რუსეთთან უკრაინაში ომის დასრულების ახალი გეგმის შესამუშავებლად, იტყობინება Axios. დოკუმენტი მოიცავს 28 პუნქტს, რომლებიც ოთხ ნაწილად იყოფა: უკრაინაში კონფლიქტის მოგვარება, კიევის უსაფრთხოების გარანტიები, ევროპის უსაფრთხოება და აშშ-ს მომავალი ურთიერთობები რუსეთთან და უკრაინასთან.

გეგმის შემუშავებას ტრამპის სპეციალური წარმომადგენელი ვიტკოფი ხელმძღვანელობს. გამოცემის ცნობით, მან უკვე განიხილა წინადადებები როგორც რუსეთის სპეციალურ წარმომადგენელ დმიტრიევთან, ასევე ზელენსკის ეროვნული უსაფრთხოების მრჩეველ უმეროვთან.

პარალელურად, თეთრმა სახლმა დაიწყო უკრაინელი და ევროპელი ოფიციალური პირების ინფორმირება დოკუმენტის შესახებ. ხაზგასმულია, რომ ამერიკული ინიციატივა არ არის დაკავშირებული ბრიტანეთის მცდელობებთან, ჩამოაყალიბოს სამშვიდობო გეგმა, მსგავსი ღაზას სექტორის შეთანხმებებისა.

ავტორი: ექსპრესნიუსი,

სოციალური ქსელები

მეუფე ზენონი: ეკლესიის პასუხისმგებლობაა, შეახსენოს ყველას, ძალაუფლება არ დგას კანონზე მაღლა

„ისინი არასტაბილურ მდგომარეობაში არიან.“ ესტონეთმა რუსეთთან მოლაპარაკებების შეწყვეტისკენ მოუწოდა

უკრაინაში რუსეთის დანაშაულებზე სპეციალური ტრიბუნალი ჰააგაში განთავსდება

ივანიშვილის რეჟიმმა, 8 თვის ორსული უკრაინელი ჟურნალისტი საქართველოში არ შემოუშვა