ქართული ოცნების თბილისის მერი კახა კალაძე ანტიკორუფციულ ბიუროს, რომლის დახურვაც დღეს დააანონსდა, "გარდან თავსმოხვეულ, რაღაც დამოუკიდებელ, ვითომ შექმნილ ორგანოს" უწოდებს.

"ეს იყო გარედან თავსმოხვეული, რაღაც დამოუკიდებელი, ვითომ შექმნილი ორგანო. რეალურად აღნიშნული მიმართულება შევა აუდიტის სამსახურში. მე უნდა ვაფასებდე [ანტიკორუფციული ბიუროს საქმიანობას? ] მე ვერაფერს ვუწუნებ, რა ვიცი. არც ვიცი, რა გითხრათ", - Ipn-ის ცნობით, ეს განცხადება მან ჟურნალისტებთან საუბრისას გააკეთა. 

ქართული ოცნების არალეგიტიმური პარლამენტის თავმჯდომარემ შალვა პაპუაშვილმა დღეს დააანონსა ანტიკორუფციული ბიუროსა და მასთან ერთად, პერსონალურ მონაცემთა დაცვის სამსახურის გაუქმება.

შალვა პაპუაშვილის თქმით, ორივე სამსახური 2026 წლის 2 მარტიდან გაუქმდება და მათი ფუნქციები სახელმწიფო აუდიტის სამსახურს გადაეცემა. 

11 ნოემბერს ფორმულამ გაავრცელა ინფორმაცია, რომლის თანახმადაც, ანტიკორუფციული სააგენტოს ხელმძღვანელი რაჟდენ კუპრაშვილი თანამდებობიდან გაათავისუფლეს - მოგვიანებით, თავად რაჟდენ კუპრაშვილმა ეს ინფორმაცია უარყო და თქვა, რომ "სანამ უწყება იარსებებს, ის იქნება ხელმძღვანელი".

ქართულმა ოცნებამ ანტიკორუფციული ბიუროს შექმნა 2022 წლის 26 ოქტომბერს დააანონსა. მაშინდელმა იურიდულ საკითხთა კომიტეტის თავმჯდომარემ ანრი ოხანაშვილმა თქვა, რომ ბიურო "ევროკომისიის 12-პუნქტიანი გეგმის შესაბამისად, ამ გეგმის მე-4 პუნქტის შესასრულებლად" შექმნეს. 

ანტიკორუფციული ბიუროს მიზანი - კორუფციის წინააღმდეგ ბრძოლის ზოგადი პოლიტიკის განმსაზღვრელი დოკუმენტისა და საქართველოს ეროვნული ანტიკორუფციული სტრატეგიის შესრულების ზედამხედველობის გაწევა იყო.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი