სამსახურებრივი უფლებამოსილების ბოროტად გამოყენების ფაქტზე დაკავებულ საქართველოს მუნიციპალური განვითარების ფონდის ყოფილ აღმასრულებელ დირექტორს, დავით ტაბიძეს 300 000-ლარიანი საპატიმრო გირაო შეეფარდა. 

მოსამართლემ ამ გადაწყვეტილებით პროკურატურის შუამდგომლობა დააკმაყოფილა.

დავით ტაბიძეს აეკრძალა საზღვრის კვეთა, ჩამოერთმევა პასპორტი და პირადობის დამადასტურებელიც მოწმობაც.

ფინანსთა სამინისტროს საგამოძიებო სამსახურმა დავით ტაბიძე სამსახურებრივი უფლებამოსილების ბოროტად გამოყენების ფაქტზე დააკავა.

პროკურატურის თანახმად, დავით ტაბიძემ, რომელსაც ლაგი კაპიტალის მიერ განსახორციებელი პროექტების ზედამხედველობა უნდა მოეხდინა, კომპანიას ავანსის სახით 1 200 000 ლარზე მეტი თანხა გადაურიცხა მაშინ, როცა ზოგ შემთხვევაში საბავშვო ბაღების სამშენებლო პროექტები არ არსებობდა.

პროკურატურის განცხადებით, ამის შედეგად ლაგი კაპიტალის ხელმძღვანელები 9 365 000 ლარს უკანონოდ დაეუფლნენ, ხოლო არ აუშენებიათ პროექტით გათვალისწინებული 22 ბაღი.

ავტორი: ექსპრესნიუსი,

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს