2025-10-21 16:29:58, 1195 ნახვა
პოლიტიკა
ლაშხი აპირებს, ესტონეთის და ლიეტუვის მიერ მასზე დაწესებული სანქციები სასამართლოში გაასაჩივროს
ქართული ოცნების ერთპარტიული პარლამენტის დეპუტატი მარიამ ლაშხი ამბობს, რომ ესტონეთისა და ლიეტუვის მხრიდან მისთვის სანქციების დაწესების სასამართლოში გასაჩივრებას აპირებს.
"მე პირადად ვარ დასანქცირებული ესტონეთის და ლიეტუვის მთავრობის მხრიდან. ჩემს პირად საქმეებს რომ გადახედოთ, თუნდაც ესტონეთთან და თუნდაც ლიეტუვასთან ხელშეწყობის და მეგობრობის განვითარების გარდა სხვა არაფერი გამიკეთებია. მიზეზი როდესაც მოვიკითხე, მე მიზეზი ვერ გავიგე. ახლა უბრალოდ ვერ მოვიცალე ამისთვის, მაგრამ მინდა, რომ გავასაჩივრო ეს გადაწყვეტილება. სტრასბურგი შემდეგი ინსტანციაა, იურისტთან გავისაუბრებ და იმის მიხედვით [გავასაჩივრებ]", - ამბობს ის.
ავტორი: ექსპრესნიუსი,
epn.ge (@expressnews.ge)
