ქართული ოცნების პრემიერი ირაკლი კობახიძე კვლავ თავს ესხმის ევროკავშირის საელჩოს და ამბობს, რომ "ძალიან მძიმე, ტრაგიკულამდე მისულ მდგომარეობაშია".

ასე უპასუხა მან კითხვას, რომელიც ევროკავშირის ელჩ პაველ ჰერჩინსკის მიერ სინდისის პატიმარ ზვიად ცეცხლაძისთვის საპატიმროში გაგზავნილ წერილს ეხებოდა. კერძოდ, საუბარია პაველ ჰერჩინსკის მიერ ზვიად ცეცხლაძისთვის გაგზავნილ საპასუხო წერილზე, რომელიც მოძრაობა დაფიონმა Facebook-ზე გამოაქვეყნა.

ოცნების პრემიერი ევროკავშირს კვლავ "ქვეყანაში რევოლუციის მოწყობის მცდელობაში" ადანაშაულებს.

"ევროკავშირის საელჩოში, ყველამ იცით, რომ არის ძალიან მძიმე მდგომარეობა, ტრაგიკულამდე მისული მდგომარეობა. პირდაპირ მხარს უჭერენ ქვეყანაში რევოლუციის მოწყობის მცდელობებს, ეს უნდა შეიცვალოს, რა თქმა უნდა. ბოლომდე კონკრეტულად ელჩსაც ვერ დავადანაშაულებთ ამაში, ვიცით, რომ ეს არ არის პერსონალურად მისი გადაწყვეტილება. არის ასეთი მოვლენები, რაც ვითარდება ევროპულ ბიუროკრატიაში და სამწუხაროდ, ეს ყველაფერი აზიანებს ევროკავშირის ინტერესებს. ევროკავშირის ობიექტურ ინტერესებშია, რომ საქართველოსთან გააღრმავოს პარტნიორობა, იმ ფონზე, როცა არსებული გეოპოლიტიკური ვითარება მძიმედ აწვება ევროკავშირის ეკონომიკურ მდგომარეობას. ასეთ პირობებში, ევროკავშირისთვის ძალიან საინტერესო იქნებოდა საქართველოსთან ურთიერთობების გაღრმავება, თუმცა ხედავთ, რომ სხვა მიმართულებით მიდიან", - აცხადებს ირაკლი კობახიძე. 

ავტორი: ექსპრესნიუსი,

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს