2016-03-24 15:32:55, 428 ნახვა
პოლიტიკა
ჯანელიძე: გალის ინციდენტების პრევენეციის მექანიზმის ამოქმედება გარკვეულ სტაბილურობას უზრუნველყოფს
საქართველოს საგარეო საქმეთა მინისტრი მიხეილ ჯანელიძე გალში ინციდენტების პრევენციისა და მათზე რეაგირების მექანიზმის აღდგენას მიესალმება.
როგორც მან თემის კომენტირებისას ჟურნალისტებს განუცხადა, იმედი აქვს, აღნიშნული ფორმატი ეფექტურად იმუშავებს.
„ჩვენ მივესალმებით გალის ინციდენტების პრევენციისა და მასზე რეაგირების მექანიზმის აღდგენას, რომელიც 4 წელია აღარ ფუნქციონირებდა. ეს არის მექანიზმი, რომელიც ასე თუ ისე უზრუნველყოფს გარკვეულწილად სტაბილურობას და იმ უფლებების უზრუნველყოფას, რომელიც ადგილობრივ მოსახლეობას სჭირდება. შესაბამისად, ველოდებით, რომ ეს ფორმატი იმუშავებს ეფექტურად“,-განაცხადა ჯანელიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
