4 ოქტომბრის აქციის საქმეზე დაკავებული 64 წლის კონსტანტინე კოკაიას შვილი, ნინი კოკაია, რადიო თავისუფლებასთან საუბრისას ამბობს, რომ ადვოკატის ინფორმაციით, მამამისმა ცალი თვალიდან მხედველობა დაკარგა.

ნინი კოკაიას თქმით, 4 ოქტომბრის ღამეს მამამისს აქციაზე ე.წ. წიწაკის სპრეი შეესხა, რამაც მხედველობის გაუარესება გამოიწვია, თუმცა იმედი ჰქონდათ, რომ ეს პრობლემა დროთა განმავლობაში მოგვარდებოდა:

„სასწრაფოც გვყავდა გამოძახებული მაშინ. გვეგონა, რომ პრობლემა დროებითი იყო, თუმცა დღეს იყო მამასთან შესული ადვოკატი და ციხიდან გამოსვლის შემდეგ შეგვატყობინა, რომ მამამ ცალ თვალში მხედველობა დაკარგა. მამამ უთხრა, რომ ცალი თვალიდან ვეღარ ხედავს“.

ნინი კოკაიას თქმით, ციხეში მამამისის ჯანმრთელობის მდგომარეობა დამძიმდა, - მას გულზე ოპერაცია აქვს გადატანილი, - თუმცა მასთან ექიმი ამ დრომდე არ შესულა:

„უკვე რამდენიმე დღეა, მამა ამბობს, რომ აქვს უჰაერობა, თავის ტკივილი, მაღალი წნევა, მარცხენა მხარე, ხელ-ფეხი გაბუჟებული აქვს. მამას ხუთი სტენტი აქვს გულში, მაგრამ ამ დრომდე მასთან ექიმი არ შესულა, არც გამოკვლევაზე გადაუყვანიათ. ახლა ამას მხედველობის პრობლემაც დაემატა“, - ამბობს ნინი კოკაია და ითხოვს, რომ მამამისთან შესაბამისი პროფილის ექიმები შევიდნენ და მისი ჯანმრთელობის მდგომარეობა შეისწავლონ.

კონსტანტინე კოკაია სამართალდამცავებმა 9 ოქტომბერს დააკავეს. მას გამოძიება სტრატეგიული და განსაკუთრებული მნიშვნელობის ობიექტის ხელში ჩაგდების მცდელობასა და ჯგუფურ ძალადობას ედავება. დანაშაულის დამტკიცების შემთხვევაში, 64 წლის კაცს 9 წლამდე პატიმრობა ელის.

კონსტანტინე კოკაიას აღკვეთის ღონისძიების სახით პატიმრობა აქვს შეფარდებული.

ავტორი: ექსპრესნიუსი,

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს