არ გაბედონ ძალადობა და კანონის დარღვევა, წინააღმდეგ შემთხვევაში, კანონი იქნება ძალიან მკაცრი მათ მიმართ, - ამის შესახებ "ქართული ოცნების"  პრემიერ-მინისტრმა ირაკლი კობახიძემ ქართველ ჟურნალისტებს დანიაში განუცხადა.

მისივე თქმით, ყველას აქვს მშვიდობიანი შეკრების უფლება, რაც უზრუნველყოფილი იქნება 4 ოქტომბერსაც, თუმცა თუ ვინმე დაარღვევს კანონს, მაშინვე მიიღებს მკაცრ პასუხს კანონის შესაბამისად.

„ყველას აქვს მშვიდობიანი შეკრების უფლება, ყველას შეუძლია, შეიკრიბოს მშვიდობიანად, გამოხატოს საკუთარი აზრი, ეს იქნება უზრუნველყოფილი 4 ოქტომბერსაც. ამავდროულად, მინდა, გავაფრთხილო ყველა, რომ არ დაარღვიონ კანონი. როგორც კი დაარღვევენ კანონს, მაშინვე მიიღებენ მკაცრ კანონისმიერ პასუხს. მე მინდა, შევახსენო ყველას - ვინც იყო ჩართული ძალადობაში, 30-ზე მეტი ადამიანი არის პასუხისგებაში მიცემული, სასჯელი არის საკმაოდ მკაცრი, 2 წლიდან იწყება, არის 4-4.5 წელიც. ამიტომ ყველას მინდა შევახსენო, რომ თუ ვინმეს წაუცდება ხელი კანონის დარღვევაზე, მიიღებენ ძალიან მკაცრ პასუხს კანონის მიხედვით. შესაბამისად, მეგობრულად უნდა ვურჩიოთ ყველას, რომ არ გაბედონ ძალადობა და კანონის დარღვევა, წინააღმდეგ შემთხვევაში, კანონი იქნება ძალიან მკაცრი მათ მიმართ,"- განაცხადა ოცნების პრემიერმა.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან