სამოქალაქო აქტივისტმა სამუკა დარჩიამ, რომელსაც მიმდინარე წლის მარტში, თავს დაესხნენ და ფიზიკურად გაუსწორდნენ, ქვეყანა დატოვა. ამასთან დაკავშირებით დარჩია “ექსპრესნიუსისთვის” გამოგზავნილ წერილში საუბრობს.

დარჩია განმარტავს, რომ ამ გადაწყვეტილების მიღების მიზეზი მის მიმართ ძალოვანი უწყების თანამშრომლების მხრიდან ფსიქოლოგიური ტერორი და სიცოცხლის მოსპობის მუქარა გახდა.  

“მეგობრებო, ჩემო თანამოაზრეებო და გულშემატკივრებო, სამწუხაროდ დადგა ის დღეც, როცა ამ სრულად დეგრადირებულმა არაადამინებმა საწადელს მიაღწიეს. გაუთავებელი რეპრესიების პრობლემების და მოყენებული ზიანის შემდეგ, მიწევს, რომ ქვენაყანა დავტოვო. ძალიან მიმძიმს ამ გადაწყვეტილების მიღება, მაგრამ სასწორზე ჩემი სიცოცხლეა. სიცოცხლე, რომელსაც წესით პოლიცია უნდა იცავდეს, თუმცა სამწუხაროდ, სწორედ მათი მხრიდან ვიღებ მუქარებს, რომ გამაქრობენ და ჩემს გვამსაც ვერავინ იპოვის. მაშანტაჟებენ პირადი ცხოვრების საიდუმლოს გამჟღავნებით, ყველანაირი ბინძური ხერხით მებრძვიან იმის გამო, რომ უსამართლობას ყოველთვის ხმამაღლა ვებრძოდი! იმედია გამიგებთ და მაპატიებთ, ძალიან ძნელია ამ ყველაფრის გააზრება, მაგრამ სამწუხაროდ, ამ ფაქტის წინაშე დავდექით არამარტო მე არამედ ჩემი თანამოაზრეების უმრავლესობა. ჩვენ აუცილებლად გავაგრძელებთ ბრძოლას და ამ ომში აუცილებლად გავიმარჯვებთ”, - წერს სამუკა დარჩია. 

შეგახსენებთ, სამუკა დარჩიას 2022 წლის 7 მარტს, თბილისში, ანდრეა აფაქიძის ქუჩაზე პოლიტიკური ნიშნით დაესხნენ თავს. ფიზიკური ანგარიშსწორების შედეგად მან მრავლობითი დაზიანებები მიიღო. არაერთი მიმართვის მიუხედავად, პოლიციას საქმეზე არავინ გამოუკითხავს, რაც იმაზე მიუთითებს, რომ გამოძიება ფორმალურადაც კი არ ჩატარებულა. ამის პარალელურად, დარჩია მუდმივად საუბრობდა იმაზე, რომ პოლიციის თანამშრომლები მას ემუქრებოდნენ და ეუბნებოდნენ, რომ ხელისუფლების კრიტიკა უნდა შეეწყვიტა.

ავტორი: ექსპრესნიუსი,

სოციალური ქსელები

პაპუაშვილი სოციალურ ქსელებში ცენზურაზე - ვისაც იხუტებს ბრიუსელი, ისინი ცდილობენ ზიზღის დათესვას

რუსი ოკუპანტების მიერ უკანონოდ დაკავებული საქართველოს 2 მოქალაქე თავისუფალია

კობახიძე სოციალურ ქსელებში ცენზურაზე - სახელმწიფო უზრუნველყოფს ეფექტიან რეაგირებას

ბაქო - თბილისი - ყარსის ახალი სარკინიგზო მონაკვეთი სრულ ექსპლუატაციაში შევიდა