აშშ-ის პრეზიდენტმა, დონალდ ტრამპმა განაცხადა, რომ ევროპული ქვეყნები რუსეთის მიმართ საკმარისად მკაცრ პოლიტიკას არ ატარებენ. მისი თქმით, ისინი მხოლოდ საუბრობენ და არ მოქმედებენ.

ტრამპმა ჟურნალისტებს უთხრა, რომ აშშ-ის მხრიდან სანქციების გამკაცრება დამოკიდებულია იმაზე, მოქმედებაში მოვა თუ არა ევროპა. აშშ-ის პრეზიდენტმა აღნიშნა, რომ ევროპამ უნდა გაამკაცროს შეზღუდვები და შეწყვიტოს რუსული ენერგორესურსების შეძენა.

კითხვაზე, დაუწესებს თუ არა ნატო რუსეთს სანქციებს, ტრამპმა უპასუხა, რომ ალიანსი და ევროპა „თავის საქმეს არ აკეთებენ“.

„ევროპა ჩემი მეგობარია, მაგრამ ისინი ნავთობს რუსეთისგან ყიდულობენ. ჩვენ არ ვყიდულობთ. მათ დაწესებული სანქციები არ არის საკმარისად მკაცრი. მზად ვარ სანქციების გასამკაცრებლად, მაგრამ ევროპამაც უნდა იმოქმედოს. ვფიქრობ, საბოლოოდ ისინი ამას გააკეთებენ, მაგრამ ახლა მხოლოდ ლაპარაკობენ“, — აღნიშნა ტრამპმა.

ავტორი: ექსპრესნიუსი,

სოციალური ქსელები

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა

უგულშემატკივრე ქართველ კალათბურთელებს მსოფლიო ჩემპიონატის შესარჩევ ეტაპზე | საქართველოს ბანკი - ეროვნული საკალათბურთო ნაკრების გენერალური სპონსორი

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ