ია მამალაძე: მიგვაჩნია, მაუწყებლობის შესახებ კანონში ცვლილებით, უმცირესობების უფლებები იზღუდება

2016-03-22 15:43:39, 1287 ნახვა

სხვადასხვა

პარტნიორობა „თავისუფალი არჩევნისთვის“ შემავალი ორგანიზაციები: სამოქალაქო კულტურის საერთაშორისო ცენტრი, საქართველოს რეგიონულ მაუწყებელთა ასოციაცია, საზოგადოებრივი დამცველი, საქართველოს მედიამონიტორინგის ცენტრი, კონსტიტუციის 42-ე მუხლი, ადამიანის უფლებათა ცენტრი, მრავალეროვანი საქართველო ეთანხმებიან ვენეციის კომისიის და ODIHღ–ისერთობლივ დასკვნაში გამოთქმულ რეკომენდაციებს საარჩევნო რეფორმის მომავალში უკეთ გახორციელების თაობაზე; ასევე, მიიჩნევენ, რომ დასკვნაში მითითებული ხარვეზები გამომდინარეობს კონსულტაციებში ყველა დაინტერესებული პირის ნაკლები ჩართულობიდან, რამაც დააზიანა პროცესის ინკლუზიურობა.

პარტნიორობა “თავისუფალი არჩევნისთვის“ ჩართული ორგანიზაციების შეფასებით, რომ პროცესი მართლაც არ იყო გამჭვირვალე, რის შესახებაც არაერთხელ მოუწოდეს ხელისუფლებას, თუმცა უშედეგოდ.

" მიგვაჩნია, რომ აუცილებელი იყო, შექმნილიყო საარჩევნოსაკითხებზემომუშავეჯგუფისაზოგადოებისფართომონაწილეობით. ვენეციის კომისიის დასკვნიდანაც კარგად ჩანს, რომ ამგვარი - გაფართოებული ფორმატის ჯგუფის შექმნა პროცესების გამჭვირვალობის, მაქსიმალური კონსენსუსისა და პასუხისმგებლობის გადანაწილებისთვის დღესაც სასიცოცხლოდ მნიშვნელოვანია. თუ რა შეიძლება მოჰყვეს გაუმჭვირვალე პროცესებს, ამის ნათელი მაგალითია დაგეგმილი ცვლილებები:პარლამენტმაპ ირველი მოსმენით უკვე მიიღო ცვლილებები მაუწყებლობის შესახებ კანონში, რომლის თანახმად, მაუწყებლობაზე ავტორიზებული ლიცენზირებული ტელემაუწყებელი ვალდებულია,პროგრამები განათავსოს მხოლოდ სახელმწიფო ენაზე.

აღნიშნული რედაქციის საბოლოო დამტკიცების შემთხვევაში, განსაკუთრებით პრობლემური გახდება ეთნიკური უმცირესობების ინფორმირება. საგულისხმოა, რომ სამცხე-ჯავახეთში სამი ქართულ-სომხურენოვანი, ხოლო ქვემო ქართლში _სამი აზერბაიჯანულ-ქართულენოვანი ადგილობრივი მაუწყებელია.
მიგვაჩნია, რომ ამ ცვლილებით აშკარად იზღუდება უმცირესობების უფლებები და საქართველოს მოქალაქეები, განსაკუთრებულად მნიშვნელოვან - საარჩევნო პერიოდში, რჩებიან საინფორმაციო ველის მიღმა, რაც გამოუსწორებელ ზიანს მიაყენებს სახელმწიფოებრივ ინტერესებს.
პარტნიორობა „თავისუფალი არჩევნისათვის“შექმნის მიზანია, სხვადასხვა სფეროში მომუშავე ორგანიზაციებმა და ექსპერტებმა, საკუთარი რესურსებისა და შესაძლებლობების გაერთიანებით, ხელი შეუწყონ ქვეყანაში 2016 წლის საპარლამენტო არჩევნების თავისუფალ და სამართლიან საარჩევნო გარემოში ჩატარებას.
პარტნიორობა „თავისუფალი არჩევნისათვის“ საარჩევნო გარემოს გაუმჯობესების მიზნით, შეიმუშავებს და საზოგადოებას წარუდგენს რეკომენდაციებს; განახორციელებს საარჩევნო პერიოდში მედიის მუშაობის მონიტორინგს; საჭიროების შემთხვევაში, მოახდენს ახალი რეგულაციების ინიცირებას; განახორციელებს წინასაარჩევნო გარემოს მონიტორინგს;საქართველოს მასშტაბით,ადგილობრივ არასამთავრობო და მედიაორგანიზაციებთან თანამშრომლობით, შექმნიან ერთიან ქსელს, რაც წინასაარჩევნო და არჩევნების დღეს ინფორმაციის ოპერატიულად მიღებისა და მასზე რეაგირების შესაძლებლობას გაზრდის; პარტნიორობა „თავისუფალი არჩევნისათვის“ ითანამშრომლებს საარჩევნო თემატიკაზე მომუშავე სხვა არასამთავრობო ორგანიზაციებთან და საარჩევნო პროცესში ჩართულ ყველა მხარესთან",-ამბობს საქართველოს მედია მონიტორინგის ცენტრის ხელმძღვანელი ია მამალაძე.