"ქართული ოცნების" პრეზიდენტი მიხეილ ყაველაშვილი თურქეთის პრეზიდენტს, რეჯეფ თაიფ ერდოღანს შეხვდა. პირისპირ გამართულ შეხვედრაზე საქართველოსა და თურქეთს შორის არსებული ორმხრივი და მრავალმხრივი ურთიერთობების აქტიური დღის წესრიგი  და სამომავლო თანამშრომლობის პერსპექტივები განიხილეს.

როგორც შეხვედრაზე მიხეილ ყაველაშვილმა აღნიშნა, საქართველო აფასებს და დიდ მნიშვნელობას ანიჭებს საქართელოსა და თურქეთს შორის არსებულ სტრატეგიულ პარტნიორობას, რომელიც ეფუძნება ნდობას, ურთიერთპატივისცემასა და ერთმანეთის ეროვნული ინტერესების გათვალისწინებას.

მიხეილ ყაველაშვილის განცხადებით, საქართველო აფასებს თურქეთის ურყევ მხარდაჭერას საქართველოს სუვერენიტეტისა და ტერიტორიული მთლიანობის, ასევე, საქართველოს ევროატლანტიკურ სივრცეში ინტეგრაციის მისწრაფების მიმართ.

კოლეგებს შორის პირისპირ შეხვედრაზე განსაკუთრებული აქცენტი გაკეთდა რეგიონული, სავაჭრო-ეკონომიკური და სატრანსპორტო-ენერგეტიკული თანამშრომლობის განვითარებასა და სატრანზიტო ფუნქციაზე, დაკავშირებადობის მნიშვნელობაზე. შეხვედრისას აღინიშნა, რომ თურქეთის რესპუბლიკა საქართველოსთვის ნომერ პირველი სავაჭრო პარტნიორია. ყურადღება გამახვილდა  ორმხრივი ვაჭრობის განვითარების კუთხით არსებულ პოტენციალზე.

შეხვედრაზე ხაზი გაესვა რეგიონში მშვიდობისა და სტაბილურობის განსაკუთრებულ მნიშვნელობას და აღინიშნა, რომ საქართველო მოწოდებულია ხელი შეუწყოს მშვიდობის, სტაბილურობის, ნდობის დამკვიდრების პროცესს სამხრეთ კავკასიის რეგიონში დიალოგის, დიპლომატიისა და თანამშრომლობის გზით და მზად არის გააგრძელოს თავისი წვლილის შეტანა რეგიონის ქვეყნების სასიკეთოდ. საქართველოს პრეზიდენტმა შეხვედრაზე აღნიშნა, რომ  მიესალმება აზერბაიჯანისა და სომხეთის მიერ განგრძობადი მშვიდობის დამყარებისთვის გადადგმულ ნაბიჯებს, რომელმაც ხელი უნდა შეუწყოს რეგიონის მშვიდობისა და სტაბილურობისკენ სვლას.

პირისპირ შეხვედრაზე მხარეებმა ახლო აღმოსავლეთში მიმდინარე პროცესები განიხილეს , სადაც აღინიშნა, რომ საქართველო მტკიცედ ემხრობა მშვიდობას, სტაბილურობას და უსაფრთხო გარემოს ახლო აღმოსავლეთში.

ავტორი: ექსპრესნიუსი,

სოციალური ქსელები

რა საფთხე ელოდება ონლაინ მედიას რეჟიმის ახალი ცენზურით

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია