თეა წულუკიანმა ისტორიული საქმე გააკეთა - პარლამენტის საგამოძიებო კომისიამ იმუშავა სწორად, ნებისმიერი დასკვნა და გაკეთებული განცხადება იყო აბსოლუტურად სწორი! - ასე უპასუხა პარლამენტის თავმჯდომარემ შალვა პაპუაშვილმა ჟურნალისტის კითხვას, თუ რატომ არ იმყოფებოდა მუხათგვერდის ძმათა სასაფლაოზე პარლამენტის ვიცე-სპიკერი თეა წულუკიანი და წულუკიანის არმისვლა რამდენად შეიძლება უკავშირდებოდეს გიორგი ანწუხელიძესთან დაკავშირებით მის მიერ გაკეთებულ განცხადებას.

როგორც პაპუაშვილმა აღნიშნა, საგამოძიებო კომისიის დასკვნა 400-ზე მეტი გვერდისგან შედგება, მას პარლამენტი სექტემბერში პირველივე სხდომებზე განიხილავს და დასკვნაში წარმოდგენილ ყველა საკითხზე თავის ვერდიქტს დადებს.

“მიხეილ სააკაშვილის მარიონეტული რეჟიმის დანაშაულებთან დაკავშირებით, მათ შორის 2008 წლის ომთან დაკავშირებით კომისიამ კომპეტენტურად იმუშავა და პარლამენტის ამას პასუხს გასცემს. პარლამენტის საგამოძიებო კომისიამ იმუშავა სწორად, ნებისმიერი დასკვნა და გაკეთებული განცხადება იყო აბსოლუტურად სწორი“, - განაცხადა შალვა პაპუაშვილმა.

თეა წულუკიანმა ერთ-ერთ სატელევიზიო ეთერში დროებით საგამოძიებო კომისიის საქმიანობაზე საუბრისას შემდეგი განცხადება გააკეთა:

“კომისიის მიზანია ამ პოლიტიკური თანამდებობის პირების გადაწყვეტილებების შესწავლა და შეფასება. რატომ მოხდა ის, რაც მოხდა. მარტივ ენაზე რომ თქვა, რატომ არ არის დღეს გიორგი ანწუხელიძე სახლში? მე ჩემს თანამებრძოლებთან ერთად მაქვს უფლება, დავსვა ეს კითხვა. ვინ ამიკრძალავს ამ კითხვის დასმას?! - ვერავინ!

ამ კითხვას ვსვამთ. ყველა ბავშვს ჭირდება თავისი მშობელი სახლში და არა უაზროდ განწირული ვიღაცის პიარისთვის“, - განაცხადა თეა წულუკიანმა.

ავტორი: ექსპრესნიუსი,

სოციალური ქსელები

რა საფთხე ელოდება ონლაინ მედიას რეჟიმის ახალი ცენზურით

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია