მზია ამაღლობელის ადვოკატი, მაია მწარიაშვილი მიიჩნევს, რომ დღევანდელი გადაწყვეტილებით, “სისტემამ საკუთარი თავსი გადარჩენაზე იმუშვა“.

მწარიაშვილის თქმით,“ეს არ არის განაჩენი, ეს არის დასჯის აქტი, განაცხადი, რომ ამ ადამიანს სჯიან იმისთვის, რომ მათი თამაშის წესებით არ ითამაშა“: 

სამართლებრივად ერთიდაიგივე უსამართლო და უკანონოა 2 წელი თავისუფლების აღკვეთა იქნებოდა თუ 4 წელი, ამ წუთას სისტემამ საკუთარი თავის გადარჩენაზე იმუშავა.  ამ კვალიფიკაციით, მათ საკუთარი თავი გადაარჩინეს, საზოგადოებრივი ზეწოლისგან, ყველამ გაიგო ამ ქვეყანაში, ვინც სამართალი იცის, არ იცის, რაიმე გაეგება, რომ ის, რაც მზიას ბრალად ედებოდა, არ არის თავდასხმა პოლიციელზე, ამიტომ, მათ მოუწიათ ამის აღიარება, თუმცა 353 -ე მუხლი, ისეთივე სამართლებრივი აბსურდია, ნებისმიერ შემთხვევაში ეს არ არის განაჩენი, ეს არის დასჯის აქტი, განაცხადი, რომ ამ ადამიანს სჯიან პოლიტიკური ღირებულების არათავსებადობის გამო მათთან და სწორედ იმისთვის, რომ მათი თამაშის წესებით არ ითამაშა. თუნდაც ამ მუხლის პირობებში, რომელიც ისეთივე უკანონოა, როგორიც იქნებოდა 353-ე პრიმა მუხლი, დღეს სასამართლოს შეეძლო გამოეყენებინა როგორც ჯარიმა, რომელსაც გადააკონვერტირებდა თავისუფლების აღკვეთის იმ ვადაში, რაც მზიამ მოიხადა და გაათავისუფლებდა. 7 თვით თავისუფლების აღკვეთა სილის გაწვნისთვის, რომელსაც დანაშაულთან საერთო არაფერი აქვს, საკმარისი არ არის? მას შეეძლო დარბაზიდან გათავისუფლება და ასევე, პირობით მსჯავრის დადგენა, რაც სასამართლომ არ გააკეთა,- განაცხადა მწარიაშვილმა.

ბათუმის საქალაქო სასამართლოს მოსამართლემ, ნინო სახელაშვილმა მზია ამაღლობელს ბრალი გადაუკვალიფიცირა და მას 2-წლიანი პატიმრობა მიუსაჯა. 

ავტორი: ექსპრესნიუსი,

სოციალური ქსელები

რა საფთხე ელოდება ონლაინ მედიას რეჟიმის ახალი ცენზურით

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია