საქართველო მოტოციკლების  ტექნიკური ინსპექტირების სავალდებულო გახდომას გეგმავს. 

ცვლილებები, სავარაუდოდ, L კატეგორიის ყველა სატრანსპორტო საშუალებას შეეხება - მოპედებს, მოტოციკლებს, სამთვლიან და კვადროციკლებს. სახელმწიფომ შესაბამისი რეგულაციების მოსამზადებლად 2025 წელი დააწესა. თუმცა, ამ ეტაპზე უცნობია, როდის ამოქმედდება ინოვაციები.

„ევროპული დირექტივის შესაბამისად, ამ ტიპის სატრანსპორტო საშუალებები ევროპაში სავალდებულო ტექნიკურ შემოწმებას 2024 წლიდან დაექვემდებარება. ჩვენც ამ სტანდარტებს ვიცავთ და L კატეგორიის სატრანსპორტო საშუალებებიც, რომელთა ძრავის მოცულობა 125 კუბ.სმ-ზე მეტია. „M კატეგორიის სატრანსპორტო საშუალებებიც უნდა დაექვემდებაროს ტექნიკურ შემოწმებას საქართველოში“, - განაცხადა ტექნიკური დათვალიერების ცენტრების გაერთიანების ხელმძღვანელმა, გიორგი შიოლაშვილმა.

მისი თქმით, 2024 წელს საქართველოში დაახლოებით 125 ათასი L კატეგორიის სატრანსპორტო საშუალება იყო რეგისტრირებული, რაც საერთო რაოდენობის დაახლოებით 7%-ია. შიოლაშვილი მიიჩნევს, რომ ახალი წესები დადებითად აისახება საგზაო უსაფრთხოებაზე და ავარიების რაოდენობა შემცირდება.

საქართველოში ავტომობილების ტექნიკური დათვალიერება 2018 წლიდან სავალდებულო გახდა.

მსუბუქი ავტომობილების ტექნიკური შემოწმების გავლის ღირებულება 60 ლარია, სატვირთო ავტომობილების - 100 ლარი, ხოლო ელექტრომობილების - 48 ლარი.

რვა წელზე უფროსი ასაკის ავტომობილები ყოველწლიურად უნდა გაიარონ ტექნიკური შემოწმება. ოთხიდან რვა წლამდე ასაკის ავტომობილები – ორ წელიწადში ერთხელ. ოთხ წლამდე ასაკის ახალ ავტომობილებს ტექნიკური შემოწმება არ სჭირდებათ.

ავტორი: ექსპრესნიუსი,

სოციალური ქსელები

მეუფე ზენონი: ეკლესიის პასუხისმგებლობაა, შეახსენოს ყველას, ძალაუფლება არ დგას კანონზე მაღლა

„ისინი არასტაბილურ მდგომარეობაში არიან.“ ესტონეთმა რუსეთთან მოლაპარაკებების შეწყვეტისკენ მოუწოდა

უკრაინაში რუსეთის დანაშაულებზე სპეციალური ტრიბუნალი ჰააგაში განთავსდება

ივანიშვილის რეჟიმმა, 8 თვის ორსული უკრაინელი ჟურნალისტი საქართველოში არ შემოუშვა