„მე ვიცი, რომ ამერიკელ და ქართველ ხალხებს შორის განსაკუთრებული კავშირი ურღვევია და საქართველოს ადგილი დასავლური დემოკრატიების ოჯახშია. „ერთად მუშაობით, ჩვენ შეგვიძლია შევქმნათ უკეთესი მომავალი ჩვენი შვილებისთვის“, - განაცხადა რობინ დანიგანმა გამოსამშვიდობებელ ვიდეომიმართვაში.

დანიგანმა განაცხადა, რომ ის სამუდამოდ დარჩება ქართველი ხალხის ნამდვილ მეგობრად.

„გამარჯობა, საქართველო. მინდა ვისარგებლო შემთხვევით და დაგემშვიდობოთ და მადლობა გადაგიხადოთ. ჩემი 33-წლიანი დიპლომატიური კარიერის განმავლობაში არასდროს შემხვედრია ისეთი თბილი, სტუმართმოყვარე და გულუხვი ხალხი, როგორიც ქართველები არიან. მადლობას გიხდით, რომ გულები და სახლები გამიხსენით ჩემთვის და ჩემი ოჯახისთვის. მადლობა თქვენი გულწრფელი სადღეგრძელოებისა და გემრიელი კერძებისთვის, თქვენი ბრწყინვალე პოლიფონიური სიმღერისა და თქვენი უნიკალური კულტურისთვის. ჩვენ ვიმოგზაურეთ ამ ულამაზეს ქვეყანაში სვანეთიდან უშგულამდე, კახეთიდან თუშეთამდე და მოვინახულეთ თბილისის ყველა კუთხე. სადაც არ უნდა წავსულიყავით, ოჯახის წევრებივით გვესალმებოდნენ. გაოცებულები ვიყავით თქვენი გულუხვი სტუმართმოყვარეობით. ვიცი, რომ ამერიკელ და ქართველ ხალხებს შორის განსაკუთრებული კავშირი ურყევია. ვიცი, რომ საქართველოს ადგილი დასავლური დემოკრატიების ოჯახშია. ერთად მუშაობით ვიცი, რომ შეგვიძლია უკეთესი მომავლის შექმნა ჩვენი შვილებისთვის. ჩემი გულის ნაწილს საქართველოში ვტოვებ და სამუდამოდ დავრჩები ქართველი ხალხის ნამდვილ მეგობრად. დიდი მადლობა და მალე შევხვდებით“, - თქვა რობინ დანიგანმა.

5 ივნისს აშშ-ის საელჩომ განცხადება გაავრცელა, რომლითაც რობინ დანიგანი საქართველოში აშშ-ის ელჩის თანამდებობიდან ტოვებდა.

„მე მივიღე პირადი გადაწყვეტილება თანამდებობიდან გადადგომის შესახებ და ჩემმა მთავრობამ არ მოითხოვა ჩემი გაწვევა“, - განაცხადა რობინ დანიგანმა.

რობინ დანიგანი 2023 წელს საქართველოში აშშ-ის ელჩად დაინიშნა.

ავტორი: ექსპრესნიუსი,

სოციალური ქსელები

რა საფთხე ელოდება ონლაინ მედიას რეჟიმის ახალი ცენზურით

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია