ვენეციის კომისიამ ადამიანის უფლებათა ევროპულ სასამართლოს (ECHR) სთხოვა, მესამე მხარის სტატუსით გამოჩენილიყო საქმეში „საია და სხვები (არასამთავრობო ორგანიზაციები და მედია) საქართველოს წინააღმდეგ“ – „უცხოელი აგენტების შესახებ კანონი“ („უცხოური გავლენის გამჭვირვალობა“).

თუ ვენეციის კომისია მესამე მხარის სახით იქნება გამოძახებული, ევროპის საბჭოს საკონსტიტუციო საკითხებში საკონსულტაციო ორგანოს სახით, სტრასბურგის სასამართლოს წარუდგენს სარჩელის ანალიზს საკუთარი გამოცდილების საფუძველზე.

შესაბამისი გადაწყვეტილება კომისიამ 13-14 ივნისს, 143-ე პლენარულ სხდომაზე მიიღო.

შეგახსენებთ, რომ ახალგაზრდა იურისტთა ასოციაციის (AYL) მონაცემებზე დაყრდნობით, ადამიანის უფლებათა ევროპულმა სასამართლომ არასამთავრობო ორგანიზაციებისა და მედია საშუალებების მიერ „რუსული კანონის“ წინააღმდეგ შეტანილი საჩივრის განხილვა 2024 წლის მარტში დაიწყო. ასოციაციამ სტრასბურგის სასამართლოში სარჩელი გასული წლის 13 ნოემბერს შეიტანა.

„გვსურს შევახსენოთ საზოგადოებას, რომ რუსეთის კანონი ადამიანის უფლებათა ევროპულ სასამართლოში 16 მედია საშუალების, 120 სამოქალაქო საზოგადოების ორგანიზაციისა და 4 ფიზიკური პირის სახელით გაასაჩივრეს.“

„განმცხადებლები ჩივიან შეკრებისა და გაერთიანების თავისუფლების (მუხლი 11), გამოხატვის თავისუფლების (მუხლი 10), პირადი და ოჯახური ცხოვრების ხელშეუხებლობის უფლების (მუხლი 8), დისკრიმინაციის (მუხლი 14), ეფექტური სამართლებრივი დაცვის უფლების (მუხლი 13) და უფლებების შეზღუდვის გამოყენების ფარგლების (მუხლი 18) დარღვევაზე“, - წერს საია.

ავტორი: ექსპრესნიუსი,

სოციალური ქსელები

რა საფთხე ელოდება ონლაინ მედიას რეჟიმის ახალი ცენზურით

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია