საზღვაო ტრანსპორტის სააგენტოს ხელმძღვანელი, ალექსი ახვლედიანი, რომელიც აჭარის მთავრობის ყოფილი თავმჯდომარის, თორნიკე რიჟვაძის საქმეზე ბრალდებულის სახით იყო დაკავებული, ზაჰესის დროებითი დაკავების იზოლატორში მოათავსეს.

რამდენიმე წუთის წინ, ახვლედიანის ადვოკატი, ლალი აფციაური, მის საკანში შევიდა.

აფციაურის თქმით, ახვლედიანი საგარეჯოდან თბილისში გადაიყვანეს. მისი თქმით, ამ ეტაპზე მას ამ საქმესთან დაკავშირებით ინფორმაცია არ აქვს და კომენტარს წინასწარი დაკავების იზოლატორიდან გასვლის შემდეგ გააკეთებს.

ცნობისთვის, საზღვაო ტრანსპორტის სააგენტოს ხელმძღვანელი, ალექსი ახვლედიანი, თორნიკე რიჟვაძის საქმეზე ბრალდებულის სახით დააკავეს. ახვლედიანი დააკავეს სისხლის სამართლის კოდექსის 238-ე მუხლით, რაც ცეცხლსასროლი იარაღის უყურადღებოდ შენახვას გულისხმობს.

თორნიკე რიჟვაძე დღეს საგარეჯოს გეოჰოსპიტალში ცეცხლსასროლი იარაღიდან მიყენებული ჭრილობით მოათავსეს. შემდეგ რიჟვაძე პირველ უნივერსიტეტის კლინიკაში გადაიყვანეს. თორნიკე რიჟვაძის საქმეზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

ავტორი: ექსპრესნიუსი,

სოციალური ქსელები

აშშ-მ რუსულ ნავთობზე სანქციები აღადგინა შეღავათების ვადის გაგრძელების გარეშე

კალასი - ყველა ქვეყანამ უნდა გადადგას აუცილებელი ნაბიჯები იმის უზრუნველსაყოფად, რომ ადამიანებს ჰქონდეთ თავისუფლება, იცხოვრონ ისე, როგორც თავად აირჩევენ, შიშისა და დევნის გარეშე

პატრიარქი შიო III ოჯახის სიწმინდის დღესთან დაკავშირებით, სამების ტაძარში პირველ სადღესასწაულო წირვას აღავლენს

17 მაისი ჰომოფობიისა და ტრანსფობიის წინააღმდეგ ბრძოლის საერთაშორისო დღეა