ვგმობთ არა მხოლოდ ოპოზიციონერი პოლიტიკოსების დაპატიმრებებს, არამედ სამოქალაქო საზოგადოების სივრცის დახურვასაც, - ამის შესახებ დიდი ბრიტანეთის ევროპის, ჩრდილოეთ ამერიკისა და ზღვისიქითა ტერიტორიების საკითხებში სახელმწიფო მინისტრმა, სტივენ დოუთიმ განაცხადა.

ბრიტანელი მინისტრის თქმით, ბოლო რამდენიმე კვირის განმავლობაში “ქართულ ოცნებას” წუხილები გადასცა და ამას კვლავ გააკეთებს.

“ქართველმა ხალხმა ნათელი გახადა თავიანთი ევროატლანტიკური მისწრაფებები და ჩვენ სრულიად ვგმობთ არა მხოლოდ ოპოზიციონერი პოლიტიკოსების ამ დაპატიმრებებს, არამედ სამოქალაქო საზოგადოების სივრცის დახურვასაც. ბოლო რამდენიმე კვირის განმავლობაში “ქართულ ოცნებას” ჩემი წუხილები პირდაპირ გადავეცი და კვლავ გავაკეთებთ ამას”, - განაცხადა დოუთიმ.

ბრიტანელის მინისტრის დოუთის პასუხი მოჰყვა პარლამენტარ მარკ პრიტჩარდის (კონსერვატიული პარტია) კითხვას:

“გვარამია, ჯაფარიძე, ხაზარაძე, ჯაფარიძე და ვაშაძე - საქართველოში ბოლო ორი კვირის განმავლობაში ექვსი ოპოზიციონერი ლიდერი დააკავეს. რის გაკეთებას აპირებს დიდი ბრიტანეთის მთავრობა ამასთან დაკავშირებით? და რა არის დიდი ბრიტანეთის მთავრობის მესიჯი ქართველი ხალხისადმი, რომლებიც ამ უზარმაზარ დემოკრატიულ უკუსვლას განიცდიან?” .

ავტორი: ექსპრესნიუსი,

სოციალური ქსელები

კალაძეს არ მოსწონს სიუჟეტი მასზე ამიტომ ცენზურის დაწესებას მხარს უჭერს

კობახიძე დიუშენის მედიკამენტებზე - საუბარია დაახლოებით 50 მილიონზე ყოველწლიურად

გვარამია - კობახიძემ, ერთი შეხედვით, სიგიჟე გააკეთა: ღია წერილით მიმართა ევროკავშირის ლიდერებს. ცხადია, რომ სიგიჟეა, მაგრამ არა ტყუილად ჰაერში გასროლილი

ცენზურის დაწესებისას, შსს-ს შეეძლება, თავად შეაგროვოს ინფორმაცია, ან საჯარო ინფორმაციის საფუძველზე წამოიწყოს კონკრეტული საქმეები