„ერთიანობა-ნაციონალური მოძრაობის“ თავმჯდომარის, თინა ბოკუჩავას განცხადებით, რესპუბლიკელი სენატორის საქართველოში ვიზიტი ძალიან მნიშვნელოვანი გზავნილია აშშ-ის მხრიდან.

ამის შესახებ მან მას შემდეგ განაცხადა, რაც ის საქართველოში ვიზიტით მყოფ სენატორს, სტივ დეინსის შეხვდა.

„სენატორ სტივ დეინისის ვიზიტი საქართველოში, რომელიც გავლენიანი რესპუბლიკელი სენატორია, სენატის საგარეო ურთიერთობა კომიტეტის წევრი, ძალიან მნიშვნელოვანი გზავნილია აშშ-ის მხრიდან, რომ ისინი მხარს უჭერენ ქართველი ხალხის ევროატლანტიკურ მისწრაფებებს. დემოკრატიული პოლიტიკური ძალების სახელით შეხვედრაზე ვიყავით მე და ნიკა გვარამია. ივანიშვილის რეჟიმის წარმომადგენლებს შეხვედრაზე, ის, სავარაუდოდ, იმ გზავნილს გადასცემს, რომლის ელჩის მხრიდან მიღებაზეც ივანიშვილმა უარი განაცხადა. ეს არის დასტური იმის, რომ ამერიკა-საქართველოს ურთიერთობების გადატვირთვის შესაძლებლობა არ იქნება, თუ საქართველო არ დაუბრუნდა დემოკრატიული განვითარების გზას, ხოლო ამის შანსი არის რეალური, ნორმალური, საპარლამენტო ახალი არჩევნებისა და ყველა პოლიტპატიმრის გათავისუფლების პირობებში“,- განაცხადა თინა ბოკუჩავამ.

ცნობისთვის, აშშ-ის სენატის საგარეო ურთიერთობათა კომიტეტის წევრი, სენატორი სტივ დეინისი საქართველოს სტუმრობს. ის უკვე შეხვდა ოპოზიციური პარტიების წარმომადგენლებს და ასევე, პრემიერ-მინისტრ, ირაკლი კობახიძეს.

ავტორი: ექსპრესნიუსი,

სოციალური ქსელები

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას

თიბისი მმართველ გუნდს საერთაშორისო საბანკო გამოცდილებით აძლიერებს