საპენსიო რეფორმის დეპარტამენტის ხელმძღვანელის, ოთარ ძიძიკაშვილის განცხადებით, პენსიონერები კერძო დაგროვებით სისტემაში მონაწილეობას ვერ მიიღებენ, რადგან მათ საპენსიო ასაკს უკვე მიაღწიეს.

როგორც ძიძიკაშვილმა ჟურნალისტებს განუმარტა,  კერძო დაგროვებით სისტემაში მონაწილეობის შესაძლებლობა ექნება ნებისმიერი ასაკის მოქალაქეს საპენსიო ასაკამდე, თუმცა როდესაც მოქალაქე მიაღწევს საპენსიო ასაკს, მას შეუძლია,  დაგროვება გააგრძელოს.

მისივე თქმით, მოქალაქის გარდაცვალების შემთხვევაში, თანხა სრულად  მეუღლეს  გადეცემა.

„ასევე, იქნება გარკვეული კრიტერიუმები, რომლითაც მოქალაქე შეძლებს ეს თანხა საპენსიო ასაკამდე გამოიყენოს. ეს არის საკმაოდ დაცული მექანიზმი, გამომდინარე იქედან, რომ ამ ფონდის მართვას განახორციელებს კერძო სექტორი, მთავრობა ფონდის მართვაში არ და ვერ ჩაერთვება.

მეორეს მხრივ, ამ ფონდის მართვას და საინვესტიციო პოლიტიკას განსაზღვარავს სახელმწიფო, ანუ, მას პარამეტრებს სახელმწიფო და მარეგულირებელი ორგანო წარუდგენს, მოახდენს ინვესტირების პროცესის ზედამხედველობას, მონიტორინგს, იმისთვის, რომ ეს პროცესი წარიმართოს გაწერილი კრიტერიუმებით. აქედან გამომდინარე, გაკოტრების ან თანხის დაკარგვის რისკი არ არის. რა თქმა უნდა, ინფლაციური რისკები არსებობს, თუმცა ამაზეც ექნება ფონდს თავისი მექანიზმი",- განაცხადა ძიძიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან