ამ ქვეყანას ჰყავს პრემიერ-მინისტრი, საგარეო საქმეთა მინისტრი, სადაც მათ შეუძლიათ კომუნიკაცია და არა რაღაც კულუარებში - ასე რომ, ნუ ართულებენ ურთიერთობებს, - ამის შესახებ პარლამენტის დიასპორის საკითხთა კომიტეტის თავმჯდომარემ, ირაკლი ზარქუამ განაცხადა, რითაც გამოეხმაურა აშშ-ის საელჩოს განცხადებას, რომ ბიძინა ივანიშვილმა ელჩ დანიგანთან შეხვედრაზე უარი თქვა.

ზარქუამ ამერიკის შეერთებული შტატების საელჩოს პროტოკოლის დაცვისკენ მოუწოდა.

„ამ ქვეყანას ჰყავს პრემიერ-მინისტრი, საგარეო საქმეთა მინისტრი და თუ ელჩს სურს, რაიმე პოზიცია გაუზიაროს, ან წერილი გადასცეს, ამისთვის არის შესაბამისი უწყებები. ასე რომ, ნუ ართულებენ ურთიერთობებს. წინა ადმინისტრაციის დროს, ისედაც საკმაოდ ჩიხში შეიყვანა [ურთიერთობები] იმ არასწორმა პოლიტიკამ. პირიქით, ჩვენ მზად ვართ, რომ პოზიტიურ რელსებზე გადავიდეს [ურთიერთობები] და მზად ვართ, ახალი ფურცლიდან დავიწყოთ," - განაცხადა ზარქუამ.

გარდა ამისა, მან ელჩებთან დაკავშირებით დასმულ კითხვას უპასუხა და განაცხადა, რომ "იმ გაუგონარ თავხედობას, რასაც ადგილი აქვს გარკვეული ელჩების მხრიდან, წერტილი უნდა დაესვას".

"რატომღაც ზოგიერთ ელჩს ავიწყდება, რომ მისი მოვალეობა არის არა შიდა საქმეებში ჩარევა, არამედ სახელმწიფოთა შორის და ხალხთა შორის ურთიერთობის განმტკიცებაა. ვწუხვარ, მაგრამ უნდა შევახსენოთ, იქნებ წაიკითხონ ეს ვენის კონვენცია. იქნებ ეს საერთაშორისო ურთიერთობები ხელახლა გადაიკითხონ. მოვუწოდებთ ელჩებს, შეეშვან ამ თავხედობას. ზღვარი აქვს ყველაფერს," - განაცხადა ზარქუამ.

ავტორი: ექსპრესნიუსი,

სოციალური ქსელები

„არსენალი“ 22 წლის შემდეგ პირველად გახდა ინგლისის ჩემპიონი

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას