ვფიქრობ, ნატო-ს მომდევნო სამიტზე თავდაცვის ხარჯების მშპ-ს 5%-მდე გაზრდის შესახებ შევთანხმდებით, - ამის შესახებ ნატო-ს გენერალურმა მდივანმა, მარკ რუტემ განაცხადა.

„ვფიქრობ, ჰააგაში თავდაცვის ხარჯების მაღალ მაჩვენებელზე, 5%-ზე შევთანხმდებით. არ ვიტყვი, თუ როგორი იქნება ინდივიდუალური დანაწილება, მაგრამ სამხედრო ხარჯები 3%-ზე გაცილებით მეტი იქნება და ასევე, ეს თავდაცვის ხარჯების სამიზნეც იქნება“, - განაცხადა მარკ რუტემ.

მანამდე ნიდერლანდების პრემიერ-მინისტრმა, დიკ სხოფმა განაცხადა, რომ ნატო-ს გენერალურმა მდივანმა ალიანსის წევრებს წერილი გაუგზავნა, რომელშიც აღნიშნულია, რომ წევრმა სახელმწიფოებმა მომდევნო შვიდი წლის განმავლობაში სამხედრო ხარჯების თვალსაზრისით 3.5%-ს უნდა მიაღწიონ, ხოლო ინფრასტრუქტურის, კიბერუსაფრთხოებისა და სხვა საკითხებზე მთლიანი შიდა პროდუქტის (მშპ) 1.5% დახარჯონ.

ცნობისთვის, ნატო-ს 2025 წლის სამიტი ჰააგაში 24-25 ივნისს გაიმართება.

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა