2025-05-08 21:49:00, 1296 ნახვა
მსოფლიო
დონალდ ტრამპი - ვულოცავ კარდინალ პრევოსტს პაპად არჩევას, დიდი პატივია ჩვენი ქვეყნისათვის
აშშ-ის პრეზიდენტი დონალდ ტრამპი ახალი პაპის გამოცხადებას ეხმაურება.
როგორც ტრამპი სოციალურ ქსელში წერს, დიდი პატივია, რომ ის პირველი ამერიკელი პაპია.
„ვულოცავთ კარდინალ რობერტ ფრენსის პრევოსტს, რომელიც ახლახან დასახელდა რომის პაპად. დიდი პატივია იმის გაცნობიერება, რომ ის პირველი ამერიკელი პაპია. რა ამაღელვებელი და რა დიდი პატივია ჩვენი ქვეყნისთვის. მოუთმენლად ველი პაპ ლეო XIV-სთან შეხვედრას. ეს იქნება ძალიან მნიშვნელოვანი მომენტი!“, - წერს ტრამპი.
8 მაისს რომის 267-ე უზენაეს პონტიფექსად ამერიკელი კარდინალი რობერტ პრევოსტი აირჩიეს. სახელად მან ლეონ XIV აიღო.
ავტორი: ექსპრესნიუსი,
epn.ge (@expressnews.ge)
