პირადი ცხოვრების ამსახველი კადრების გავრცელებასთან დაკავშირებით, დაკავებული ზურაბ ჯამალაშვილის შვილი ვასილ ჯამალაშვილი აცხადებს, რომ მამამისს ძალავან სტრუქტურაში არასოდეს არ უმუშავია.

როგორც მან „ექსპრესნიუსს“ განუცხადა, მედიის მიერ გავრცელებული ეს ცნობა სიმართლეს არ შეესაბამება.

„ვადასტურებ, რომ დაკავებული ზურაბ ჯამალაშვილი ნამდვილად მამაჩემია. უნდა აღვნიშნო, რომ მამაჩემს ძალოვან სტრუქტურაში არასოდეს არ უმუშავია. ავრცელებენ ინფორმაციას, თითქოს მამაჩემი წარსულში კუდ-ის მაღალჩინოსანი იყო, რაც სიმართლეს არ შეესაბამება.

მამაჩემთან ახლო ურთიერთობა არ მაქვს, ზუსტი დეტალები არ ვიცი, მაგრამ ძალოვან სტრუქტურებში რომ არასოდეს არ უმუშავია ეს დანამდვილებით ვიცი“, - განაცხადა ვასილ ჯამალაშვილმა.   

შეგახსენებთ, დღეს დილით მთავარმა პროკურატურამ ფარულ ჩანაწერებთან დაკავშირებით ორი პირი დააკავა. დაკავებულები კუდ-ის ერთ-ერთი დეპარტამენტის ყოფილი უფროსი ზურაბ ჯამალაშვილი და ადვოკატი ირაკლი ფხაკაძე არიან. როგორც უწყებაში განმარტეს აღნიშნული პირები, ვიდეომასალის გავრცელებისთვის არიან დაკავებულები და არა ინტერნეტში მასალის ატვირთვისთვის

ცნობისთვის, ვასილ ჯამალაშვილი 2012 წელს კიბერდანაშაულთან დაკავშირებით იყო დაკავებული, მაშინ ის 3000 ლარიანი გირაოს სანაცვლოდ გაათავისუფლეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფრანგმა პროკურორებმა ილონ მასკის წინააღმდეგ სისხლის სამართლის გამოძიება დაიწყეს.

ირანი გეგმავს, რომ მსოფლიოს უმსხვილესი IT კომპანიებისგან ჰორმუზის სრუტეში კაბელების გაყვანისთვის გადასახადი დააწესოს

CNN: პენტაგონი ირანზე ახალი დარტყმებისთვის სამიზნეების სიას ამზადებს

უკრაინამ ომის განმავლობაში მოსკოვის ოლქზე ყველაზე მასშტაბური თავდასხმის დროს ენერგეტიკული ობიექტები, თავდაცვის ინდუსტრიის საწარმო და შერემეტიევოს აეროპორტი დაბომბა