მარგველაშვილი: ჩვენ შევარჩიეთ ადამიანი, რომელსაც პარტიული კუთხითაც კი ძალიან საინტერესო ბიოგრაფია გააჩნია

2015-02-17 12:52:54, 664 ნახვა

პოლიტიკა

„ჩვენ შევარჩიეთ ადამიანი, რომელსაც პარტიული კუთხითაც კი ძალიან საინტერესო ბიოგრაფია გააჩნია“, - ამის შესახებ საქართველოს პრეზიდენტმა გიორგი მარგველაშვილმა უზენაესი სასამართლოს თავმჯდომარის თანამდებობაზე ნინო გვენეტაძის კანდიდატურის დასახელების შემდეგ განაცხადა.

პრეზიდენტი დარწმუნებულია, რომ მათ მეირ გადადგმული ნაბიჯი სასამართლოს დამოუკიდებლობის საქმეში შეუქცევადი ნაბიჯი იქნება.

„ჩვენ შევარჩიეთ ადამიანი, რომელსაც პარტიული კუთხითაც კი ძალიან საინტერესო ბიოგრაფია გააჩნია. ადამიანი, რომელიც იყო ოპოზიციური პარტიის წევრი, მაშინ როდესაც „რესპუბლიკური პარტია“ იყო ოპოზიციაში, ხოლო 2012 წლის ნოემბერში, როდესაც „რესპუბლიკური პარტია“ კოალიციასთან ერთად ხელისუფლებაში მოვიდა, მან შეაჩერა თავისი წევრობა ამ პარტიაში, ვფიქრობ, ესეც მნიშვნელოვანი ნაწილია ამ ადამიანის ბიოგრაფიაში“, – განაცხადა გიორგი მარგველაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან