„მთავარი იყო კრიტერიუმები,უნდა ყოფილიყო კარგი მენეჯერი, პრინციპული და პროფესიონალი ადამიანი“,-ამის შესახებ სახალხო დამცველმა უჩა ნანუაშვილმა უზენაესი სასამართლოს თავმჯომარის კანდიდატურის წარდგენასთან დაკავშირებით განაცხადა.

ომბუდსმენის თქმით, მას იმედი აქვს, რომ გვენეტაძე შეასრულებს დიდ როლს იმისთვის, რომ  მართლმსაჯულების რეფორმა დასრულდეს.

„მთავარი იყო კრიტერიუმები,  უნდა ყოფილიყო კარგი მენეჯერი, პრინციპული  და პროფესიონალი ადამიანი. მე ვფიქრობ, ქალბატონი ნინო  ამ ყველა კრიტერიუმს აკმაყოფილებს. მე იმედი მაქვს, რომ რეალურად  ის შეასრულებს  დიდ როლს იმისთვის, რომ მართლმსაჯულების  რეფორმა დასრულდეს და არავის არ დარჩეს კითხვები მართლმსაჯულების დამოუკიდებლობასთან დაკავშირებით. მე მის პრინციპულობას და პროფესიონალიზმს  ეჭვქვეშ ვერ დავაყენებ, წლების განმავლობაში ის სწორედ ამ ნიშნებით იყო გამორჩეული“,-განაცხადა სახალხო დამცველმა.

შეგახსენებთ, რომ საქართველოს პრეზიდენტმა გიორგი მარგველაშვილმა უზენაესი სასამართლოს თავმჯდომარის თანამდებობაზე ნინო გვენეტაძის კანდიდატურა დაასახელა. 

ცნობისთვის, საზოგადოების წარმომადგენლების მიერ უზენაესი სასამართლოს თავმჯდომარეობის კანდიდატურების დასახელების ეტაპი 9 თებერვალს დასრულდა. 36 წარდგენილ პირთაგან რვამ თავისი კანდიდატურის განხილვაზე უარი განაცხადა. წარდგინებაზე უარი განაცხადეს: დარეჯან გოგიბერიძემ, ნუნუ კვანტალიანმა, დავით მამისეიშვილმა, დავით სულაქველიძემ, იური ტაბუცაძემ, ნათია წკეპლაძემ, ლადო ჭანტურიამ, თინათინ ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს