„ქართული ოცნების“ გენერალური მდივნის, თბილისის მერის, კახა კალაძის განცხადებით, ქვეყანაში ადამიანის უფლებები ისეა დაცული, როგორც არასდროს.

როგორც კალაძემ ჟურნალისტებს განუცხადა, დღეს ნებისმიერ ადამიანს შეუძლია გამოხატოს თავისი პოლიტიკური მოსაზრება სხვადასხვა საკითხებთან დაკავშირებით და ისინი ამისთვის არ იდევნებიან.

კახა კალაძის განცხადებით, დღეს ბიზნესიც ისეთი თავისუფალია, როგორც არასდროს ყოფილა.

„ჩატარდა თავისუფალი, დემოკრატიული არჩევნები, რომელიც აღიარა ეუთო/ოდირმა, ქართველმა ხალხმა. აღიარა ორგანიზაციამ, რომელიც არჩევნებს აკვირდებოდა. ქვეყანაში ადამიანის უფლებები ისე არის დაცული, როგორც არასდროს. დღეს ნებისმიერ ადამიანს შეუძლია გამოხატოს თავისი პოლიტიკური მოსაზრება სხვადასხვა საკითხთან დაკავშირებით, ამისთვის არ იდევნებიან. დღეს ბიზნესი არის ისეთი თავისუფალი, როგორც არასდროს. შესაბამისად, შეგვიძლია ვთქვათ, რომ შედარებაც კი არ შეიძლება იმ პერიოდთან, როდესაც ოჯახებს აუბედურებდნენ, პირდაპირ კლავდნენ, აწამებდნენ, ართმევდნენ და ბიზნესს „აჩმორებდნენ“, სხვათა შორის, ამას „დემოკრატიის შუქურას“ უწოდებდნენ. დღეს რადიკალურად განსხვავებული სიტუაცია გვაქვს-საქართველოს ხელისუფლება ზედმიწევნით ასრულებს ასოცირების ხელშეკრულებას. ყველა იმ ქვეყანასთან შედარებით, ვისაც თუნდაც ჩვენზე ადრე მისცეს კანდიდატის სტატუსი, გაუხსნეს მოლაპარაკებები, ყველანაირი თვალსაზრისით გაცილებით წინ ვართ, თუმცა ზოგიერთი გაზულუქებული, კორუმპირებული ევროპელი ბიუროკრატების გაკეთებული განცხადებები, გადადგმული ნაბიჯები ცდება იმ რეალობას, რაც ქვეყანაში გვაქვს“, - განაცხადა კალაძემ.

ავტორი: ექსპრესნიუსი,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.