ეუთოს გენმდივნის ვიზიტზე აჟიოტაჟის ატეხა არის ისტერიის მაჩვენებელი, რომელიც დაეუფლა ე.წ. ოპოზიციურ სპექტრს, - ამის შესახებ პარლამენტის პირველმა ვიცე-სპიკერმა, გია ვოლსკიმ ჟურნალისტებთან განაცხადა.

მისი თქმით, ეუთოს გენერალური მდივნის საქართველოში ვიზიტი ჩვეულებრივი ამბავი და „ნორმალური სამუშაო პროცესია“.

„[ეუთოს გენერალური მდივნის ვიზიტი] ჩვეულებრივი ამბავია. ჩამოვიდა [ეუთოს] გენერალური მდივანი. ეს, რასაკვირველია, აღიარებასაც ნიშნავს, მაგრამ ეს ჩვენთვის ნორმალური პროცესია. ზოგისთვის ისტერიკის საფუძველია, ზოგისთვის ნორმალური სამუშაო პროცესია. მსოფლიოში გრძელდება ეს პროცესები, მათ შორის, ამ პროცესებში მონაწილეობს საქართველო - პრობლემებით, გამოწვევებით, გარე გამოწვევებით, რაც სამწუხაროა, შიდა გამოწვევით, ასეთი უნამუსო და უსინდისო დამოკიდებულებით, მაგრამ ფაქტია, რომ ეს არის პროცესი, რომლის შეჩერება პრაქტიკულად შეუძლებელია. როგორც ეუთომ, ასევე ოდირმა აღიარა საქართველოს არჩევნები. რასაკვირველია, გენმდივნის ჩამოსვლა, ეკონომიკის და ფინანსთა სამინისტროს აშშ-ში ვიზიტი არის ჩვეულებრივი სამუშაო პროცესი, რომელიც ახასიათებს დამოუკიდებელ ქვეყანას, თავისი პრობლემებით, თავისი მიღწევებით და იმ ვითარებით, რომელიც ზოგადად, მსოფლიოშია შექმნილი. ასე რომ, ამაზე აჟიოტაჟის ატეხვა არის გარკვეულწილად მართლაც ისტერიის მაჩვენებელი, რომელიც დაეუფლა ე.წ. ოპოზიციურ სპექტრს," - განაცხადა ვოლსკიმ.

ავტორი: ექსპრესნიუსი,

სოციალური ქსელები

2026 წლის I კვარტალში სამუშაო ძალის რაოდენობა შემცირდა, ასევე შემცირდა დასაქმების დონეც

ევროკავშირი კრემლთან მოლაპარაკებებში შუამავლად ევროპის ცენტრალური ბანკის ყოფილ პრეზიდენტს, მარიო დრაგის განიხილავს

ორ სამოქალაქო აქტივისტს ტროტუარის გადაკეტვისთვის დაპატიმრება მიუსაჯეს

BOG-ის კამპანიებმა საერთაშორისო კრეატიულ ფესტივალ Baku Flames 2026-ზე ორი ჯილდო მოიპოვა