ჩვენ არ მოგვწონს ბრიუსელის ქმედება თბილისის მიმართ. გვსურს, ევროკავშირმა სამართლიანად იმოქმედოს, ორმაგი სტანდარტების გარეშე, – ამის შესახებ უნგრეთის საგარეო საქმეთა მინისტრმა, პიტერ სიიარტომ ანტალიაში ქართველ ჟურნალისტებს განუცხადა.

„რამდენი მემარჯვენე პოლიტიკოსები არჩევნებში გაიმარჯვებენ, ბრიუსელში დემოკრატიის წინაშე არსებული საფრთხეების თაობაზე იწყება საუბარი, მხოლოდ ლიბერალების მმართველობა მიაჩნიათ ბრიუსელში დემოკრატიად. ეს ცუდია და ჩვენ შევეცდებით, უკეთესობისკენ შევცვალოთ ვითარება“, – აღნიშნა სიიარტომ.

ამასთან, მისივე თქმით, დონალდ ტრამპის თეთრ სახლში დაბრუნების შემდეგ, საერთაშორისო პოლიტიკა დაუბრუნდება ურთიერთპატივისცემას.

„ახლა, როდესაც პრეზიდენტი ტრამპი ოფისში დაბრუნდა, ვფიქრობ, საერთაშორისო პოლიტიკა დაუბრუნდება ურთიერთპატივისცემას, მეტ რაციონალიზმს და პრაგმატულობას, ნაკლებ იდეოლოგიზაციას და სხვა ქვეყნების შიდა საქმეებში ჩარევას. მეტისმეტი იყო ის, რასაც დემოკრატიული ადმინისტრაცია და ბრიუსელი ერთად აკეთებდნენ სხვა ქვეყნების შიდა საქმეებში ჩარევითა და ზეწოლით. ძალიან კარგია, რომ ჩაიხსნა USAID-ის დაფინანსება, ვინაიდან ეს მნიშვნელოვნად ამცირებს იმ ორგანიზაციების დაფინანსებას, რომლებიც სხვა ქვეყნების შიდა საქმეებში ერეოდნენ“, – განაცხადა პიტერ სიიარტომ.

ავტორი: ექსპრესნიუსი,

სოციალური ქსელები

„მოიწვიე ფინედუ კლასში“ - საქართველოს ბანკის მხარდაჭერით გამართულ ფინანსური განათლების გაკვეთილებს 1000-ზე მეტი მოსწავლე დაესწრო

ნატოს სამიტზე სტარმერმა ევროპას შორი მოქმედების იარაღისთვის 50 მლრდ-იანი გეგმა წარუდგინა

Reuters: ტრამპმა ნატოს ლიდერებს განუცხადა, რომ აშშ ალიანსში დარჩენას აპირებს

თიბისი კაპიტალმა მაკროეკონომიკური განახლება გამოაქვეყნა