"პროკურატურის ნაცვლად, პირადად მივმართავ საერთაშორისო ექსპერტიზას და დავადასტურებინებ, რომ ეს ჩემი ბედკრული ტელეფონი არის ნატანჯი და აქედან, აღდგენის ნაცვლად, ინფორმაციას შლიდნენ",-ამის შესახებ თბილისის საკრებულოს დამოუკიდებელმა დეპუტატმა ალეკო ელისაშვილმა მთავარ პროკურატურაში დაკითხვის შემდეგ ჟურნალისტებს განუცხადა.

ელისაშვილი პროკურატურას უუნაროს უწოდებს.

„პროკურატურამ რას უნდა მიმართოს, უნდა გენახათ უცხოელებზე მიწერილი, თუ რა წერია, „hello I’m Giorgi sharabidze” წერს ვიღაც და ეუბნება იქნებ დაგვეხმაროთ. ერთი წინადადება აქვთ მიწერილი. “hello we cant”. ასეთი რაღაცები მოატყუონ ბებიებს, ვინც ინგლისური არ იცის. სამარცხვინო მიწერ-მოწერა ჰქონდათ. პროკურატურა სამარცხვინო დუქანია. მართლა დუქნის სუნია რომ შეხვალ, რაღაც მოხარშული ხორცის სუნი დგას, რითაც არიან დაკავებულები, ის სუნი ადის, აქოთებულია იქაურობა“, - განაცხადა ელისაშვილმა.

შეგახსენებთ, ალეკო ელისაშვილის ინფორმაციით, შინაგან საქმეთა სამინისტროსა და ექსპერტიზის ეროვნული ბიუროს დასკვნების თანახმად, მისი კუთვნილი მობილური ტელეფონიდან ეკა ბესელიასა და მანანა კობახიძის მიერ გაგზავნილი მესიჯები და სხვა კომუნიკაციების აღდგენა ვერ მოხერხდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის ძალებმა დნეპრისა და ოდესის საცხოვრებელ შენობებს იერიში მიიტანეს, რის შედეგადაც 20 ადამიანი დაშავდა

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას