რუსეთში არასასურველი უცხოური ორგანიზაციების გვერდებზე რეკლამების განთავსებას კრძალავენ

2025-04-07 18:26:40, 633 ნახვა

მსოფლიო

რუსეთის პრეზიდენტმა, ვლადიმირ პუტინმა ხელი მოაწერა კანონს, რომელიც რუსეთში "არასასურველად" ანდა "ექსტრემისტულად" გამოცხადებული უცხოური ორგანიზაციების რესურსებზე რეკლამების განთავსებას კრძალავს.

კანონით რეკლამების განთავსება ასევე აიკრძალება ისეთი ორგანიზაციების ვებგვერდებზე, რომლებიც რუსულმა სასამართლომ აკრძალა ან მათი გაუქმების გადაწყვეტილება მიიღო. გარდა ამისა, იკრძალება რეკლამების განთავსება "რესურსებზე, რომლებზეც წვდომა კანონმდებლობის შესაბამისად შეზღუდულია".

კანონი ძალაში 1 სექტემბერს შევა და, მათ შორის, სოციალურ ქსელებს, Facebook-სა და Instagram-ს შეეხება, რომლებიც რუსეთში დაბლოკილია. ამ სოციალური ქსელების მფლობელი კომპანია, Meta მოსკოვის სასამართლომ 2022 წელს "ექსტრემისტულ ორგანიზაციად" გამოაცხადა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,