დონალდ ტრამპმა აშშ-ში TikTok-ის მუშაობა 75 დღით გაახანგრძლივა, - ამის შესახებ აშშ-ის პრეზიდენტმა Truth Social-ზე დაწერა.

აშშ-ის პრეზიდენტმა, დონალდ ტრამპმა აღმასრულებელ ბრძანებას მოაწერა ხელი, რომლითაც TikTok-ის აკრძალვის შესახებ კანონი გადაავადა და ჩინურ კომპანია ByteDance-ს კიდევ 75 დღე მისცა, რათა აპლიკაციის აშშ-ში მოქმედი აქტივები არაჩინურ კომპანიას მიჰყიდოს.

„ჩემი ადმინისტრაცია TikTok-ის გადასარჩენად შეთანხმებაზე ძალიან ბევრს მუშაობს და ჩვენ დიდ პროგრესს მივაღწიეთ. შეთანხმება კიდევ უფრო მეტ მუშაობას მოითხოვს, რათა შეთანხმების ყველა ნაწილს ხელი მოეწეროს, სწორედ ამიტომ, ხელს ვაწერ აღმასრულებელ ბრძანებას TikTok-ის მუშაობის 75 დღით გახანგრძლივების შესახებ“, - დაწერა დონალდ ტრამპმა.

შეგახსენებთ, აშშ-ის ყოფილმა პრეზიდენტმა, ჯო ბაიდენმა 2024 წლის აპრილში ხელი მოაწერა კანონს, რომლის თანახმადაც, TikTok-ის მფლობელ ჩინურ კომპანია ByteDance-ს პლატფორმა არაჩინური კომპანიისთვის უნდა მიეყიდა, ან აპლიკაცია აშშ-ში 2025 წლის 19 იანვრამდე უნდა აკრძალულიყო. გადაწყვეტილების მიზეზი იყო ამერიკელი კანონმდებლების შეშფოთება იმასთან დაკავშირებით, რომ ByteDance-ი ეროვნულ უსაფრთხოებას საფრთხეს უქმნიდა. კერძოდ, კონგრესმენები შიშობდნენ, რომ ByteDance-ს მომხმარებლის მონაცემები, შესაძლოა, ჩინეთის მთავრობისთვის გაეზიარებინა.

TikTok-მა 2025 წლის 19 იანვარს აშშ-ში მუშაობა რამდენიმე საათის განმავლობაში შეაჩერა, თუმცა დონალდ ტრამპმა აშშ-ის პრეზიდენტის თანამდებობის დაკავების შემდეგ აღმასრულებელ ბრძანებას მოაწერა ხელი და კომპანიას შეთანხმების მისაღწევად 75 დღე მისცა.

ავტორი: ექსპრესნიუსი,

სოციალური ქსელები

რა საფთხე ელოდება ონლაინ მედიას რეჟიმის ახალი ცენზურით

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია