საქართველოს მეხუთე პრეზიდენტი სალომე ზურაბიშვილი საარჩევნო ადმინისტრაციის დისკრედიტაციის მცდელობას აგრძელებს - ამის შესახებ ცესკოს განცხადებაშია აღნიშნული 

მათივე თქმით, 26 ოქტომბრის არჩევნებთან დაკავშირებით უსაფუძვლო და დაუსაბუთებელი  განცხადებები მან ამჯერად დიდი ბრიტანეთის პარლამენტის საგარეო საქმეთა კომიტეტის სხდომაზე გამოსვლისას გააკეთა. 

,,სალომე ზურაბიშვილი, ტრადიციულად არსებითი მტკიცებულებების და არგუმენტების გარეშე,  კვლავ აყენებს ბრალდებებს “არჩევნების გაყალბებისა” და “რუსული მეთოდების” შესახებ. 
სინამდვილეში ყველა ობიექტური დაინტერესებული მხარისათვის კარგადაა ცნობილი, რომ 26 ოქტომბრის საპარლამენტო არჩევნებზე ადგილი არ ჰქონია ისეთ დარღვევებს, რომლებსაც შეეძლო არსებითი გავლენა ჰქონოდა შედეგებზე.

გვინდა შევახსენოთ საზოგადოებას, რომ პარლამენტის არჩევნების შედეგების გამოცხადების შემდეგ, „სავარაუდო გაყალბებასთან“ დაკავშირებით გავრცელებული განცხადებებიდან გამომდინარე, საარჩევნო ადმინისტრაციამ საკუთარი ინიციატივით მიმართა საქართველოს პროკურატურას და მოითხოვა გამოძიების დაწყება გავრცელებული პრეტენზიების ობიექტურად შესაფასებლად. პროკურატურის შუალედური განცხადებით, რომელიც არაერთ საგამოძიებო ექსპერიმენტს თუ ჩვენებას ეფუძნებოდა, საზოგადოებისთვის ცნობილი გახდა, რომ არავის, მათ შორის არც სალომე ზურაბიშვილს, არ წარუდგენია გახმოვანებული ბრალდებების რაიმე კონკრეტული მტკიცებულებები.

საარჩევნო ადმინისტრაციამ 26 ოქტომბრის არჩევნების ადმინისტრირება განახორციელა მაღალ პროფესიულ დონეზე და კანონმდებლობის სრული დაცვით, რაც, როგორც მინიმუმ, დადასტურებულია ეუთო/ოდირის სადამკვირვებლო მისიის შეფასებითაც. 

ასეთი უსაფუძვლო განცხადებები დიდი ალბათობით მიმართულია კონკრეტული პოლიტიკური მიზნებით  საარჩევნო გარემოსა და პროცესის მთლიანობის დაზიანებისკენ, არასწორი აღქმების ჩამოყალიბების ხელშესაწყობად, რათა მოხდეს დემოკრატიული ინსტიტუტების დისკრედიტაცია და დაითესოს სკეპსისი ნებისმიერი არჩევნების შედეგებთან მიმართებაში, სადაც ბრალდებების ავტორებისთვის სასურველი შედეგი არ დადგება. 

კიდევ ერთხელ, მოვუწოდებთ სალომე ზურაბიშვილს, ასევე ყველა  დაინტერესებულ პირს, წარმოადგინონ შესაბამისი, საფუძვლიანი მტკიცებულებები, ან თავი შეიკავონ უსაფუძვლო და საზოგადოების შეცდომაში შემყვანი განცხადებების გავრცელებისაგან'' - აცხადებს ცესკო.

ავტორი: ექსპრესნიუსი,

სოციალური ქსელები

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი

კობახიძე: ჩვენ გვინდა სხვანაირი ევროკავშირი

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა