ბაზალეთში ეროვნული გვარდიის სკოლა საზეიმო ვითარებაში გაიხსნა.

როგორც „ექსპრესნიუსს“ თავდაცვის სამინისტროდან აცნობეს, სიმბოლური ლენტი თავდაცვის მინისტრმა თინათინ ხიდაშელმა და დანიის სამეფოს შიდა გვარდიის მეთაურმა, გენერალ-მაიორმა ფინ ვინკლერმა გაჭრეს.

სკოლის გახსნის ცერემონიალს საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე და ეროვნული გვარდიის მეთაური, ბრიგადის გენერალი ლევან გამყრელიძე დაესწრნენ.

„ინფრასტრუქტურა დანიის შიდა გვარდიის მხარდაჭერით მოეწყო დავფიქრობ, რომ რეალურ ცხოვრებაში მხოლოდ ეროვნული გვარდიის კი არა, მთელი შეიარაღებული ძალებისთვის შეიძლება გამოვიყენოთ. სარეზერვო სამსახურზე საბოლოო კონსენსუსის მიღწევის შემდეგ ასევე ერთ-ერთი მნიშვნელოვანი ადგილი გაჩნდება ბაზალეთში, სადაც, სწორედ, დანიელების მხარდაჭერით შექმნილი ამ ინფრასტრუქტურით ისარგებლებენ საქართველოს მოქალაქეები. მადლობა მინდა ვუთხრა მათ დახმარებისთვის და, რაც მთავარია, ეს არის მხოლოდ პირველი ნაბიჯი. დაწყებული თანამშრომლობის ფარგლებში გაცილებით მეტი პროექტები განხორციელდება ერთდროულად“, - აღნიშნა თინათინ ხიდაშელმა.

ეროვნული გვარდიის სკოლა ორიენტირებული იქნება პირადი შემადგენლობიდან უმცროს ოფიცერთა და სპეციალისტთა მომზადების მიმართულებაზე. სკოლა ასევე მოამზადებს სხვადასხვა სტრუქტურების პერსონალს ბუნებრივი კატასტროფების დროს შესაბამისი მოქმედებებისთვის.

ეროვნული გვარდიის სკოლა ნორვეგიის სამეფოს მხარდაჭერით დაარსდა. სკოლის გახსნის ცერემონიალის ფარგლებში საქართველოს თავდაცვის მინისტრმა და მოწვეულმა სტუმრებმა სასწავლებლის ახლად აშენებული ინფრასტრუქტურა დაათვალიერეს.

დღეს ბაზალეთში ეროვნული გვარდიის სკოლის გახსნის გარდა სასწავლო კურსის გამოშვების ცერემონიალიც გაიმართა. 16 კურსდამთავრებულ ეროვნული გვარდიის ოფიცერს სერტიფიკატები თავდაცვის მინისტრმა, გენერალური შტაბის უფროსმა და დანიის სამეფოს შიდა გვარდიის მეთაურმა გადასცეს.

კურსის განმავლობაში ოფიცრებმა დაგეგმარების პროცესი და მისი განვითარების საკითხები შეისწავლეს. სასწავლო პროგრამა ერთი კვირის განმავლობაში ესტონეთის თავდაცვის ლიგისა და დანიის სამეფოს შიდა გვარდიის ინსტრუქტორების მიერ ხორციელდებოდა.

საზეიმო ცერემონიალის დასასრულს დანიის სამეფოს შიდა გვარდიის მეთაურმა, გენერალ-მაიორმა ფინ ვინკლერმა საქართველოს ეროვნული გვარდიის მეთაურს სიმბოლური საჩუქრები გადასცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სოფელ ხრამში კაცის ცხედარი იპოვეს

შესაძლოა, აშშ-მ უახლოეს დღეებში ირანში გამდიდრებული ურანის ჩამორთმევის მიზნით სახმელეთო ოპერაცია დაიწყოს - The New York Times

Mercedes-მა, Volkswagen-ის შემდეგ, სამხედრო პროდუქციის წარმოების მზადყოფნა გამოაცხადა

რუსეთმა ლიმანის „ცეცხლოვანი კერის“ აღების შესახებ წელს მეორედ გამოაცხადა