თბილისის მერი კახა კალაძე აცხადებს, რომ საქართველოს ხელისუფლება მზადაა, ამერიკის შეერთებულ შტატებთან პარტნიორული ურთიერთობები გადაიტვირთოს და აღდგეს.

როგორც მან გადაცემა „ღამის კურიერში“ განაცხადა, აშშ-ის ახლად არჩეული პრეზიდენტის მთავარი პრიორიტეტი რუსეთ-უკრაინის ომის დასრულება და „დიფ სთეითის“ დამარცხებაა, რომელშიც საქართველოს ხელისუფლება მხარს უჭერს.

„პრეზიდენტ ტრამპისთვის ჯერჯერობით ორი მთავარი პრიორიტეტი და მიმართულებაა - რუსეთ-უკრაინის ომის დასრულება და „დიფ სთეითის“ დამარცხება. ჯერ ვერც ერთია შემდგარი ფაქტი და ვერც მეორე. შესაბამისად, მათთვის ყველაზე პრიორიტეტული ეს ორი მიმართულებაა. დაველოდოთ, თუ როგორ იქნება და რა პროცესები განვითარდება. ჩვენც ვაკვირდებით მოვლენებს, თუ რა პროცესები მიმდინარეობს. დღეს ერთი მოცემულობაა, ხვალ შეიძლება აბსოლუტურად განსხვავებული მოცემულობა იყოს. ჩვენ, რა თქმა უნდა, გვაქვს სურვილი, რომ ეს ურთიერთობები გადაიტვირთოს და აღდგეს ნორმალური, პარტნიორული ურთიერთობა, როგორც ეს ეკადრება საქართველო-აშშ-ს უერთიერთობებს“, - განაცხადა კახა კალაძემ.

რაც შეეხება ევროპასთან ურთიერთობებს, თბილისის მერის თქმით, ზოგიერთი ქვეყნის წარმომადგენელი მთელი საარჩევნო კამპანიის დროს პირდაპირ ერეოდა საქართველოს შიდაპოლიტიკურ პროცესებში.

„რაც შეეხება ევროპიდან გაკეთებულ განცხადებებს, აქაც აბსოლუტურად იგივე შემიძლია გითხრათ: ყველა მათი განცხადება დაფუძნებულია ტყუილზე. თეთრზე პირდაპირ გვეუბნებიან, რომ შავია და ეს ახლა არ დაწყებულა. გავიხსენოთ, როდესაც რუსეთ-უკრაინის ომი დაიწყო, რამდენიმე დღეში ერთ-ერთი მაღალი თანამდებობის პირი მიდის საქართველოს პრემიერ-მინისტრთან და მის კაბინეტში პირდაპირ მიდის საუბარი იმასთან დაკავშირებით, რომ საქართველო უნდა ჩაერთოს აღნიშნულ ომში. რა თქმა უნდა, ეს მოულოდნელი და გასაკვირი იყო ჩვენთვის. ჩვენი პასუხიც იცით ამასთან დაკავშირებით. გვახსოვს ასევე, როდესაც ჩარტერების გაგზავნას გვთხოვდნენ. ეს ხომ ომში ჩართვაზეც მიუთითებდა?! შემდეგ იყო უკვე უკრაინის უშიშროების საბჭოს თავმჯდრომარის მხრიდან გაკეთებული განცხადებები  მეორე ფრონტთან დაკავშირებით. ადგილობრივი აგენტურა აამოქმედეს, ე.წ. არასამთავრობო ორგანიზაციები და გვახსოვს, რა განცხადებები კეთდებოდა. მთელი საარჩევნო კამპანიის დროს პირდაპირ ერეოდნენ ქვეყნის შიდაპოლიტიკურ პროცესებში. ისეთი მოცემულობა შედგა, რომ იძულებული გავხდით, გვესაუბრა ამ ყველაფერზე - ზეწოლაზე, როგორი შემოტევები მიდიოდა, მუქარები, შანტაჟი. აბსოლუტურად ღიად დავიწყეთ ამ ყველაფერზე საუბარი, რომ საზოგადოებას ჰქონოდა სრულყოფილი ინფორმაცია, რა ხდებოდა რეალურად“, - აღნიშნა დედაქალაქის მერმა.

ავტორი: ექსპრესნიუსი,

სოციალური ქსელები

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი

კობახიძე: ჩვენ გვინდა სხვანაირი ევროკავშირი

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა