თბილისის საქალაქო სასამართლოში რუსეთის მოქალაქეების, განსაკუთრებით დიდი ოდენობით ნარკოტიკული ნივთიერების შეძენა-შენახვაში ბრალდებული ანასტასია ზინოვკინას და არტემ გრიბულის სასამართლო პროცესი გაიმართა.

ანასტასია ზინოვკინამ სასამართლო პროცესზე პოლიციელების მხრიდან მის მიმართ მუქარაზე ისაუბრა. ზინოვკინამ მოსამართლისგან მოითხოვა, ამოიღონ ყველა ვიდეო, რომელიც, მისი თქმით, მუქარას დაადასტურებს, დაერთოს საქმეს და გადაეცეს რუსეთის საელჩოს.

ამავე საქმეზე დაკავებულმა ანასტასია ზინოვკინას მეუღლემ, არტემ გრიბულმა სასამართლო პროცესზე განაცხადა, რომ დანაშაული, რასაც მას ედავებიან, არ ჩაუდენია.

„ჯგუფურად განსაკუთრებით დიდი ოდენობით ნარკოდანაშაულში გვედავებიან. არის ჯგუფური დანაშაული, თუმცა ეს დანაშაულია პოლიციელების მხრიდან. მათ პოლიტიკური მოტივით მოგვიგდეს ნარკოტიკი. არ გვაძლევენ ვიდეოჩანაწერებს, აშინებენ მოწმეებს“, – განაცხადა არტემ გრიბულმა.

პროცესზე დღეს ბრალდებისა და დაცვის მხარეებმა შესავალი სიტყვები თქვეს. შემდეგი სხდომა პირველ აპრილს გაიმართება და ბრალდების მხარე საკუთარი მოწმეების გამოკითხვას დაიწყებს.

რუსეთის მოქალაქეები, ანასტასია ზინოვკინა და არტემ გრიბული 2024 წლის 17 დეკემბერს თბილისში კრიმინალური პოლიციის თანამშრომლებმა დააკავეს. პროკურატურის მტკიცებით, მათი საცხოვრებლის და პირადი ჩხრეკისას 16 გრამი ნარკოტიკული ნივთიერება – „ალფა პე ვე პე“ ამოიღეს. ანასტასია ზინოვკინა და არტემ გრიბული თბილისში 2024 წლის ზაფხულიდან იმყოფებიან. მუხლი, რომელიც ბრალად აქვთ წარდგენილი, 20 წლამდე ან უვადო პატიმრობას ითვალისწინებს. დაცვის მხარის განცხადებით, ანასტასია ზინიოვკინა რუსეთში ანტისამთავრობო აქციებში 2012 წლიდან აქტიურად მონაწილეობდა და იდევნებოდა რუსეთის ფედერაციის ხელისუფლების მიერ, არტემ გრიბული კი აიტი სფეროში მუშაობდა.

ავტორი: ექსპრესნიუსი,

სოციალური ქსელები

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ