დაღესტნის ციფრული განვითარების მინისტრმა იური გამზატოვმა განაცხადა, რომ ფედერალური ხელისუფლების გადაწყვეტილებით რესპუბლიკაში Telegram დაიბლოკა.

,,ბლოკირების შესახებ გადაწყვეტილება ფედერალურ დონეზე გადაწყდა. მას ხშირად იყენებენ მტრები, ამის მაგალითია არეულობა მაჰაჩყალის აეროპორტში". – თქვა გამზატოვმა.

მინისტრმა 2023 წლის 30 ოქტომბერს მაჰაჩყალაში მომხდარი შემთხვევა იგულისხმა, როდესაც ასობით ანტისემიტურად განწყობილი დაღესტნელი აეროპორტის ტერიტორიაზე შეიჭრა. თავდამსხმელებმა Telegram-დან შეიტყეს, რომ აეროპორტში ისრაელის თვითმფრინავი დაეშვა, აგრესიულმა ბრბომ აეროპორტის შენობა დააზიანა. მოგვიანებით გაირკვა, რომ ტელეგრამში ყალბი ინფორმაცია გავრცელდა.

გამზატოვმა აღნიშნა, რომ მომავალში ტელეგრამი შეიძლება განიბლოკოს, მაგრამ იქამდე მომხმარებლებს შეუძლიათ ,,გამოიყენონ ძალიან კარგი ანალოგები, მაგალითისთვის ისეთი, როგორიც არის Vkontakte".

ჩეჩნეთში პოპულარული პლატფორმის აკრძალვის შესახებ განაცხადა რუსეთის დუმის საინფორმაციო პოლიტიკის კომიტეტის წევრმა, ანტონ ნემკინმა:

"ჩეჩნეთსა და დაღესტანში დაიბლოკა ტელეგრამი. შეზღუდვა იძულებითია, ვინაიდან ამ რეგიონებში პლატფორმას არეულობის მოსაწყობად იყენებენ".

ავტორი: ექსპრესნიუსი,

სოციალური ქსელები

ბაზისბანკის და სამედიცინო ცენტრ ინოვას პარტნიორობა - ინოვაციური რობოტული ქირურგია საქართველოში

კალაძეს არ მოსწონს სიუჟეტი მასზე ამიტომ ცენზურის დაწესებას მხარს უჭერს

კობახიძე დიუშენის მედიკამენტებზე - საუბარია დაახლოებით 50 მილიონზე ყოველწლიურად

გვარამია - კობახიძემ, ერთი შეხედვით, სიგიჟე გააკეთა: ღია წერილით მიმართა ევროკავშირის ლიდერებს. ცხადია, რომ სიგიჟეა, მაგრამ არა ტყუილად ჰაერში გასროლილი